सराव सत्रादरम्यान मनी माऊची मैदानात हजेरी, विराटच्या फोटोवर अनुष्काची कमेंट, कोहलीचा भन्नाट रिप्लाय
नुकत्याच पार पडलेल्या टी-20 मालिकेत न्यूझीलंडला व्हाईटवॉश दिल्यानंतर भारतीय संघ आता कसोटी मालिकेसाठी सज्ज झाला आहे. उभय संघांमधील पहिला कसोटी सामना 25 नोव्हेंबरपासून सुरू होत आहे.
टी-20 विश्वचषकानंतर (T20 World Cup 2021) भारतीय संघात (Indian Cricket team) काही मोठे बदल झाले. ज्यातील सर्वात महत्त्वाचा बदल म्हणजे भारतीय संघाचा कर्णधार विराट कोहली (Virat Kohli)टी-20 संघाच्या कर्णधार पदावरुन पायउतार झाला आहे. तसेच विराटने न्यूझीलंडविरुद्धच्या (IND vs NZ) टी-20 मालिकेतून विश्रांती घेतली. तसेच उर्वरीत 2 कसोटी सामन्यापैकी पहिल्या सामन्यावेळी विराट उपलब्ध नसेल. तो थेट दुसऱ्या सामन्यात मुंबईच्या वानखेडे मैदानात संघात पुनरागमन करणार आहे.
पत्नी अनुष्कासोबत (Anushka Sharma) मुंबईत राहणारा विराट सध्या वानखेडे मैदानावर सरावासाठी जात असून नुकताच त्याने सोशल मीडियावर एक फोटो शेअर केला. ज्यात तो मैदानात अचानक आलेल्या एकामांजरीला मांडीवर घेऊन बसलेला दिसत आहे.
विराटने अगदी प्रेमाने मांजरीला आपल्या मांडीवर घोऊन एक फोटो काढून तो सोशल मीडियावर शेअर केला. विराटने फोटो कॅप्शनमध्ये लिहिलं आहे की, 'सरावादरम्यान आलेल्या या कूल कॅट करुन सर्वांना हॅलो!'
अनुष्काने कमेंटमध्ये लिहिलं आहे, 'हॅल्लो बिल्ली.' ज्या कमेंटला विराटने रिप्लाय दिला आहे की, 'दिल्लीचा मुलगा आणि मुंबईची मांजर'. दरम्यान दोघांच्या या कमेंटला चाहतेही मोठ्या प्रमाणात लाईक करत आहेत.