IND vs SA : जूनमध्ये टीम इंडिया-दक्षिण आफ्रिका यांच्यात होणार मालिका, जाणून घ्या वेळापत्रक
INDW vs SAW : टीम इंडिया विरुद्ध दक्षिण आफ्रिका यांच्यात कसोटी, वनडे आणि टी 20 मालिका होणार आहे. आगामी टी 20 वर्ल्ड कपच्या हिशोबाने दोन्ही संघांसाठी ही मालिका महत्त्वाची असणार आहे.
क्रिकेट विश्वात सध्या आयपीएलच्या 17 व्या हंगामासह आगामी टी 20 वर्ल्ड कप 2024 स्पर्धेची चर्चा सुरु आहे. आयपीएल स्पर्धेत प्लेऑफमध्ये स्थान मिळवण्यासाठी चढाओढ सुरु आहे. तर दुसऱ्या बाजूला वर्ल्ड कपसाठी प्रत्येक सहभागी देशाने आपला संघ जाहीर केला आहे. अशात क्रिकेट विश्वातून एक मोठी बातमी समोर आली आहे. टीम इंडिया विरुद्ध दक्षिण आफ्रिका यांच्यात टेस्ट, वनडे आणि टी 20 मालिका खेळवण्यात येणार आहेत. या मालिकांचं वेळापत्रक समोर आलं आहे.
वूमन्स क्रिकेट टीम इंडिया सध्या बांगलादेश दौऱ्यावर आहे. उभयसंघात 5 सामन्यांची टी 20 मालिका खेळवण्यात येत आहे. वूमन्स टीमसाठी आगामी टी 20 वर्ल्ड कपच्या हिशोबाने ही मालिका फार महत्त्वाची आहे. सप्टेंबर-ऑक्टोबरमध्ये बांगलादेशमध्ये वूमन्स टी 20 वर्ल्ड कप स्पर्धेचा थरार रंगणार आहे. त्यामुळे या मालिकेकडे वर्ल्ड कपची रंगीत तालिम म्हणून पाहिलं जात आहे. अशात टीम इंडिया वूमन्स-दक्षिण आफ्रिका वूमन्स मालिकेचं संभाव्य वेळापत्रक समोर आलंय. वूमन्स साऊथ अफ्रिका टीम भारत दौऱ्यावर येणार आहे. दक्षिण आफ्रिका भारत दौऱ्यात 1 टेस्ट, 3 वनडे आणि 3 टी 20 सामन्यांची मालिका खेळणार आहे.
कर्नाटक राज्य क्रिकेट संघ अर्थात केएससीएच्या एका अधिकाऱ्याने दिलेल्या माहितीनुसार, वनडे आणि टी 20 सामन्यांचं आयोजन हे बंगळुरुत करण्यात येणार आहे. तर एकमेव कसोटी सामना हा चेन्नई खेळवण्यात येऊ शकतो. वनडे सीरिजला 16 जूनपासून सुरुवात होईल. तर एकमेव कसोटी सामना 28 जून रोजी होईल. त्यानंतर 5, 7 आणि 9 जुलै रोजी टी 20 मालिका पार पडेल. ही मालिकाही बंगळुरुत पार पडेल.
दक्षिण आफ्रिका भारत दौऱ्यावर येणार!
South Africa are set to tour India in June and July for a one-off Test, three T20Is and three ODIs 🇿🇦🇮🇳
Before WPL 2024 they played Test match against England & Australia and now in this June India will play against SA – This is great to see BCCI support & promote Women’s Test… pic.twitter.com/itVDfJ0vLp
— InformationIsWealth (@KnowTheWorld23) May 3, 2024
दरम्यान बांगलादेश विरुद्धच्या 5 सामन्यांची टी 20 मालिका टीम इंडियाने जिंकली आहे. टीम इंडियाने 5 सामन्यांच्या मालिकेत 3-0 अशी आघाडी घेतली आहे. मालिकेतील चौथा सामना हा सोमवारी 6 मे रोजी होणार आहे.
