WPL 2023, Meg Lanning | कॅप्टन मेग लॅनिंग हीची बॅक टु बॅक फिफ्टी, यूपी संघाला इतक्या धावांचं आव्हान

मुंबई : वुमन्स प्रीमिअर लीगमधील पाचवा सामना दिल्ली कॅपिटल्स आणि यूपी वॉरिअर्स यांच्यात सुरू आहे. प्रथम फलंदाजी करताना दिल्ली संघाने 211 धावांचं आव्हान यूपी वॉरिअर्स संघाला दिलं आहे. दिल्ली कॅपिटल्सची कर्णधार मेग लॅनिंगच्या आक्रमक अर्धशतकाच्या जोरावर संघाने मजबूत सुरूवात केली होती. जेमिमाह रॉड्रिक्स नाबाद 34 आणि जेस जोनासेननेही नाबाद 42 धावा करत निर्धारित 20 षटकात 4 विकेट्स गमावत 211 धावा केल्या आहेत. यूपी वॉरिअर्स संघाला हा सामना जिंकण्यासाठी संघाच्या प्रमुख फलंदाजांना आता मोठी खेळी करावी लागणार आहे.

प्रथम फलंदाजीला आलेल्या दिल्ली संघाची सलामीवीर कर्णधार मेग लॅनिंग आणि शफाली वर्मा यांनी जबरदस्त सुरूवात केली. मेग लॅनिंगने बॅक टु बॅक फिफ्टी केली. 42 चेंडूत तिने 70 धावा केल्या असून यामध्ये 10 चौकार आणि 3 षटकार मारले. शफालीला मोठी खेळी करता आली नाही, अवघ्या 17 धावांवर ती परतली. त्यानंतर मरिझेन काप्प आणि एलिस कॅपसे यांनी अनुक्रमे 16 आणि 21 धाव केल्या आणि बाद झाल्या. जेमिमा आणि जेस जोनासेन यांनी मोर्चा हाती घेतला आणि संघाला 200 धावांचा टप्पा ओलांडून दिला. जेमिमा रॉड्रिग्सने  34 धावा आणि जेस जोनासेनने 42 धावा केल्या.

दिल्ली कॅपिटल्स : मेग लॅनिंग (कर्णधार), शफाली वर्मा, मरिझेन काप्प, जेमिमा रॉड्रिग्स, एलिस कॅपसे, जेस जोनासेन, तानिया भाटिया, अरुंधती रेड्डी, शिखा पांडे, राधा यादव, तारा नोर्रिस

युपी वॉरियर्स : अलीसा हिली (कर्णधार), श्वेता सेहरावत, किरण नवगिरे, ताहिला मॅकग्राथ, दीप्ती शर्मा, सिमरन शेख, देविका वैद्य, सोफी एक्सलस्टोन, शबनिम इस्माईल, राजेश्वरी गायकवाड, अंजली सरवानी