ZIM vs WI Super 8 Live Streaming : झिंबाब्वे सुपर 8 साठी सज्ज, विंडीज विरुद्ध कमाल करणार?
Zimbabwe vs West Indies Super 8 T20 World Cup 2026 Live Match Score : झिंबाब्वेने सिकंदर रझा याच्या नेतृत्वात टी 20I वर्ल्ड कप स्पर्धेच्या इतिहासात यंदा पहिल्यांदा अप्रतिम कामगिरी करत सुपर 8 मध्ये धडक दिली आहे.
आयसीसी टी 20I वर्ल्ड कप 2026 स्पर्धेत सुपर 8 फेरीतील पहिला सामना पावसामुळे वाया गेला. पाकिस्तान विरुद्ध न्यूझीलंड यांच्यातील सुपर 8 मधील सलामीचा सामना हा शनिवारी 21 फेब्रुवारीला कोलंबोतील आर प्रेमदासा स्टेडियममध्ये आयोजित करण्यात आला होता. मात्र पावसामुळे टॉसनंतर सामन्याला सुरुवात झाली नाही. त्यामुळे 2 तास आणि 20 मिनिटांच्या दीर्घ प्रतिक्षेनंतर सामना रद्द करण्यात आल्याचं जाहीर करण्यात आलं. त्यानंतर रविवारी 22 फेब्रुवारीला गतविजेत्या टीम इंडियाला सुपर 8 फेरीत पहिल्याच सामन्यात पराभूत व्हावं लागलं आहे. गतउपविजेत्या दक्षिण आफ्रिकेने भारतावर 76 धावांनी विजय मिळवला. आता सुपर 8 फेरीतील तिसऱ्या सामन्यात झिंबाब्वे विरुद्ध वेस्ट इंडिज आमनेसामने असणार आहेत. या सामन्याबाबत आपण सविस्तर जाणून घेऊयात.
झिंबाब्वे आणि वेस्ट इंडिज या दोन्ही संघांचा सुपर 8 फेरीतील हा पहिलाच सामना असणार आहे. शाई होप विंडीजच्या कर्णधारपदाची जबाबदारी सांभाळणार आहे. तर सिकंदर रजा साखळी फेरीनंतर झिंबाब्वेला सुपर 8 मध्ये विजयी करण्यासाठी उत्सूक आहे. उभयसंघातील सुपर 8 फेरीतील सामना कधी आणि कुठे होणार? हे जाणून घेऊयात.
झिंबाब्वे विरुद्ध वेस्ट इंडिज सुपर 8 फेरीतील सामना कधी?
झिंबाब्वे विरुद्ध वेस्ट इंडिज सुपर 8 फेरीतील सामना सोमवारी 23 फेब्रुवारीला होणार आहे.
झिंबाब्वे विरुद्ध वेस्ट इंडिज सुपर 8 फेरीतील सामना कुठे?
झिंबाब्वे विरुद्ध वेस्ट इंडिज सुपर 8 फेरीतील सामना मुंबईतील वानखेडे स्टेडियममध्ये होणार आहे.
झिंबाब्वे विरुद्ध वेस्ट इंडिज सुपर 8 फेरीतील सामन्याला किती वाजता सुरुवात होणार?
झिंबाब्वे विरुद्ध वेस्ट इंडिज सुपर 8 फेरीतील सामन्याला संध्याकाळी 7 वाजता सुरुवात होईल. तर 6 वाजून 30 मिनिटांनी टॉस होईल.
झिंबाब्वे विरुद्ध वेस्ट इंडिज सुपर 8 फेरीतील सामना टीव्हीवर कुठे पाहायला मिळेल?
झिंबाब्वे विरुद्ध वेस्ट इंडिज सुपर 8 फेरीतील सामना टीव्हीवर स्टार स्पोर्ट्स नेटवर्कवरील चॅनेल्सवर पाहायला मिळेल.
झिंबाब्वे विरुद्ध वेस्ट इंडिज सुपर 8 फेरीतील सामना मोबाईलवर कुठे पाहायला मिळेल?
झिंबाब्वे विरुद्ध वेस्ट इंडिज सुपर 8 फेरीतील सामना मोबाईलवर जिओहॉटस्टार एपद्वारे लाईव्ह पाहायला मिळेल.
दरम्यान वेस्ट इंडिज आणि झिंबाब्वे दोन्ही संघांनी साखळी फेरीत अप्रतिम कामिगिरी केली. वेस्ट इंडिजने साखळीतील चारही सामन्यांत विजय मिळवला. तर झिंबाब्वेने 4 पैकी 3 सामने जिंकले. झिंबाब्वेने या 3 पैकी 2 सामन्यांत ऑस्ट्रेलिया आणि श्रीलंका वर्ल्ड चॅम्पियन संघाला पराभूत केलं. तसेच झिंबाब्वेचा 1 सामना पावसामुळे वाया गेला. त्यामुळे झिंबाब्वेही अजिंक्य राहिली. अशात आता साखळीनंतर सुपर 8 फेरीत कोणता संघ विजयी सलामी देणार हे पाहणं औत्सुक्याचं ठरणार आहे.
