CSK vs SRH Live मॅचमध्ये राडा, हैदराबादाचा हा मोठा खेळाडू संजू सॅमसनकडे पाहून थुंकला, खुन्नसचा असा घेतला बदला
CSK vs SRH : आयपीएलमध्ये राडे अजिबात नवीन नाहीत. काल सनरायजर्स हैदराबाद विरुद्ध चेन्नई सुपर किंग्स सामन्यात हेच पहायला मिळालं. हैदराबादचा एक प्लेयर संजू सॅमसनकडे पाहून थुंकला. या सामन्यातील एका टीमला प्लेऑफच तिकीट पक्कं झालं.
आयपीएल 2026 मध्ये काल चेन्नई सुपर किंग्स आणि सनरायजर्स हैदराबादमध्ये सामना झाला. दोन्ही टीम्ससाठी प्लेऑफमध्ये दाखल होण्याच्या दृष्टीने हा महत्वाचा सामना होता. त्यामुळे दोन्ही टीम्ससाठी विजय आवश्यक होता. रोमांचक झालेला हा सामना सनरायजर्स हैदराबादने एक ओव्हर राखून जिंकला. चेन्नई सुपर किंग्सचा प्लेऑफमध्ये पोहोचण्याचा मार्ग यामुळे अजून खडतर बनला आहे. दरम्यान या मॅचमध्ये एक राडा सुद्ध पहायला मिळाला. भारताचा संजू सॅमसन शांत स्वभावाचा खेळाडू मानला जातो. पण कालच्या सामन्यात हेनरिक क्लासेन सोबत त्याची वादावादी झाली. हेनरिक क्लासेन हा मूळचा दक्षिण आफ्रिकेचा खेळाडू आहे. चेन्नई सुपर किंग्स विरुद्ध हेनरिक क्लासेनने दमदार बॅटिंग केली. 15 व्या ओव्हरमध्ये क्लासेन आऊट झाला. त्यात संजू सॅमसनची महत्वाची भूमिका होती.
त्यानंतर क्लासेन आणि सॅमसनमध्ये वादावादी झाली. क्लासेन या भांडणामुळे इतका रागवला की तो सॅमसनकडे बघून थुंकला. क्लासेनने या सामन्यात 26 चेंडूत 47 धावा केल्या. यात 6 चौकार आणि 2 षटकार लगावले. त्याने इशान किशनसोबत मिळून महत्वाची भागीदारी केली. त्याची खेळी हैदराबादला प्लेऑफमध्ये घेऊन जाण्यात महत्वपूर्ण ठरली. सॅमसन आणि क्लासेनमध्ये 15 व्या ओव्हरमध्ये वादावादी झाली. नूर अहमदच्या तिसऱ्या चेंडूवर क्लासेनने मोठा फटका खेळण्याचा प्रयत्न केला. पण तो गुगलीवर फसला. क्लासेनने पाय उचलताच संजू सॅमसनने त्याची स्टम्पिंग केली. क्लासेनला वाटतं होतं की, तो आऊट नाहीय. पण तिसऱ्या अंपायरने त्याला बाद दिलं.
त्याच्याकडे नजर रोखून पाहत होता
त्यानंकर संजू सॅमसन त्याच्याकडे नजर रोखून पाहत होता. क्लासेनला ही गोष्ट आवडली नाही. दोघांमध्ये शाब्दीक वादावादी झाली. खेळाडू मध्ये पडले. त्यानंतर क्लासेन पॅव्हेलियनमध्ये परतला. पण क्लासेन मागे वळला व सॅमसनकडे पाहून थुंकला. हेनरिक क्लासेनने स्पिन फ्रेंडली विकेटवर चांगली बॅटिंग केली. क्लासेनने या कठीण पीचवर 180.77 च्या स्ट्राइक रेटने 26 चेंडूत 47 धावा केल्या. क्लासेन आणि इशान किशनने तिसर्‍या विकेटसाठी 41 चेंडूत 75 धावांची भागीदारी केली. या पार्टनरशिपने संपूर्ण मॅच पलटली. सनरायजर्स हैदराबादने 5 विकेट राखून हा सामना जिंकला. टीमने 181 धावांचं लक्ष्य 19 व्या ओव्हरमध्ये गाठलं.
हेनरिक क्लासेन मधल्या फळीतील फलंदाज असून त्याने आयपीएल 2026 मध्ये सर्वाधिक धावा केल्या आहेत. या सीजनमध्ये क्लासेनने 13 सामन्यात 50.45 च्या सरासरीने 555 धावा केल्या आहेत. त्याला स्ट्राइक रेट 155 पेक्षा जास्तचा होता.
