India vs England 2nd Test | अश्विनची फिरकी इंग्लंडला गिरकी, ठरला पहिलाच गोलंदाज
अश्विनने (r ashwin) पहिल्या डावात गोलंदाजी करताना एकूण 5 फलंदाजांना आऊट केलं.
चेन्नई : टीम इंडिया विरुद्ध इंग्लंड यांच्यात चेन्नईतील एम ए चिदंबरम स्टेडियमलवर दुसरा कसोटी सामना (India vs England 2nd Test) खेळण्यात येत आहे. या सामन्यात दुसऱ्या दिवसापर्यंत टीम इंडियाने मजबूत पकड मिळवली आहे. टीम इंडियाने इंग्लंडला पहिल्या डावात 134 धावांवर ऑल आऊट केलं. त्यामुळे दुसऱ्या डावात 195 धावांच्या आघाडीसह 54 धावा केल्या. यामुळे भारताने दुसऱ्या दिवसखेर 249 धावांची मजबूत आघाडी घेतली आहे. दरम्यान या सामन्यात लोकल बॉय फिरकीपटू रवीचंद्रन अश्विनने (Ravichandran Ashwin) पराक्रम केला आहे. अशी कामगिरी करणारा तो पहिलाच गोलंदाज ठरला आहे. (India vs England 2nd Test 2nd day r ashwin is the first bowler to take 200 Test wickets of left handed batsman)
काय आहे पराक्रम?
यासह इंग्लंडला पहिल्या डावात 134 धावांवर गुंडाळण्यात अश्विनने महत्वाची भूमिका बजावली. त्याने आपल्या फिरकीच्या जोरावर पहिल्या डावात गोलंदाजी करताना पाच विकेट्स घेतल्या. स्टुअर्ट ब्रॉर्डला आऊट करत अश्विनने 5 विकेट्स पूर्ण केल्या. यासह अश्विन कसोटीमध्ये डावखुऱ्या फलंदाजांना 200 वेळा बाद करणारा पहिला फलंदाज ठरला.
R Ashwin is the first bowler to take 200 Test wickets of left-handed batsmen.
Bowlers taking the wicket of left-handed batsmen most often in Tests:-
200* – R Ashwin
191 – Muttiah Muralitharan
190 – James Anderson
172 – Glenn McGrath
172 – Shane Warne#INDvAUS— Kausthub Gudipati (@kaustats) February 14, 2021
अँडरसनला पछाडलं
अश्विनने मायदेशातील कसोटींमध्ये सर्वाधिक वेळा पाच विकेट्स घेण्याच्या बाबतीत इंग्लंडच्या जेम्स अँडरसनला मागे टाकले. अँडरसनने 89 कसोटीत 22 वेळा इंग्लंडच्या भूमीवर पाच विकेट्स घेतल्या आहेत. याबाबतीत अश्विनच्या पुढे फक्त तीन गोलंदाज आहेत. श्रीलंकेचा माजी फिरकीपटू मुरलीधरनने तब्बल 45 वेळा ही कामगिरी केली आहे. तर रंगाना हेराथ 26 आणि भारताच्या अनिल कुंबळेने 25 वेळा 5 विकेट्स घेतल्या आहेत.
भारतात 23 वेळा 5 विकेट्स
अश्विनने इंग्लंडचा डॉम सिब्ली, बेन स्टोक्स, डॅन लॉरेन्स, ऑली स्टोन आणि स्टुअर्ट ब्रॉड यांना दुसर्‍या कसोटी सामन्यातील पहिल्या डावात बाद केलं. यासह अश्विनने कसोटीमध्ये 29 वेळा 5 विकेट्स घेण्याची कामगिरी केली. अश्विनने एकूण 23 वेळा भारतात 5 विकेट्स घेतल्या आहेत. तर 6 वेळा भारताबाहेर ही कामगिरी केली आहे.
संबंधित बातम्या :
Ravichandran Ashwin | अश्विनच्या फिरकीवर भल्याभल्यांची गिरकी, मुरलीधरनचा विक्रम मोडला
India vs England 2nd Test, 2nd Day Highlights | दुसऱ्या दिवसखेर रोहित-पुजारा नाबाद, टीम इंडियाकडे 249 धावांची भक्कम आघाडी
India vs England 2nd Test | Video | ‘उडता’ रिषभ, विकेटकीपर पंतचा एकहाती भन्नाट कॅच
(India vs England 2nd Test 2nd day r ashwin is the first bowler to take 200 Test wickets of left handed batsman)