Shubman Gill: डोक्याला हे काय लावून फिरतोय शुभमन गिल? न्यूझीलंडमधील ‘तो’ Video Viral
Shubman Gill IND vs NZ: भारतीय पुरुष संघाचा कर्णधार शुभमन गिलचा एक फोटो सोशल मीडियावर मोठ्या प्रमाणात व्हायरल होत आहे.
Shubman Gill News: भारत आणि न्यूझीलंड यांच्यातील पाच सामन्यांच्या टी-२० मालिकेतील चौथा सामना ऑकलंडमधील ईडन पार्कवर खेळला जाईल. भारतीय संघाने ही मालिका आधीच जिंकली आहे पण तरीही भारतीय संघाचे क्लिन स्वीप करण्याचे स्वप्न असणार आहे. आता यानंतर वनडे सामने सुरु होणार आहे. याआधीच आता कर्णधार शुभमन गिल टी-२० संघासोबत सामील झाला आहे. पण अशातच गिलचा एक फोटो जोरदार व्हायरल होत आहे.
या सामन्यापूर्वी, एकदिवसीय आणि कसोटी कर्णधार शुभमन गिल संघात सामील झाला आहे. गिल केवळ संघात सामीलच झाला नाही, तर त्याने सरावादरम्यान खेळाडूंसोबत कठोर परिश्रमही घेतले. गिल भारतीय टी-२० संघाचा भागही नाही, मग तो टी-२० संघात काय करत आहे? हा चाहत्यांच्या मनात एक मोठा प्रश्न आहे. न्यूझीलंडविरुद्धच्या पाच सामन्यांच्या टी-२० मालिकेनंतर भारत तितकेच एकदिवसीय सामने खेळणार आहे. ४ नोव्हेंबरपासून सुरू होणाऱ्या एकदिवसीय मालिकेतील पहिला सामना ऑकलंडमध्ये खेळला जाईल. गिल भारतीय टी-२० संघात सामील झाला आणि परिस्थितीशी जुळवून घेण्यासाठी त्याने मोठ्या प्रमाणावर सराव केला. मालिकेतील पहिल्या सामन्यात विजयाची हॅटट्रिक साधल्यानंतर, श्रेयस अय्यरच्या नेतृत्वाखालील भारतीय संघ हा सामनाही जिंकून यजमानांना क्लीन स्वीप करण्याच्या दिशेने आणखी एक पाऊल टाकण्याचा प्रयत्न करेल. गिलचा एक फोटो व्हायरल होत आहे ज्यात गिलने त्याला कपाळावर एक छोटं डिवाईस लावलेलं पाहायला मिळत आहे. हे ब्रेनमधील एक्टिव्ही कंट्रोल ठेवण्याचे काम करते असे म्हटले जाते.
कर्णधार शुभमन गिल, वरिष्ठ यष्टीरक्षक-फलंदाज केएल राहुल आणि वेगवान गोलंदाज गुरनूर ब्रार हे देखील ऑकलंडमध्ये टी-२० संघासोबत सराव करताना दिसले. भारतीय खेळाडूंची ही तयारी न्यूझीलंडचा हा दौरा किती गांभीर्याने घेत आहेत हे दर्शवते. राहुल अलीकडेच झालेल्या भारत ‘अ’ विरुद्ध न्यूझीलंड ‘अ’ यांच्यातील अनधिकृत कसोटी सामन्याचाही भाग होता, ज्यात त्याला दोन्ही डावांमध्ये खाते उघडता आले नाही. पहिल्या डावात त्याला खाते उघडता आले नाही आणि दुसऱ्या डावात तो ४ धावांवर हिट विकेट बाद झाला.
गिलने सोमवारी ऑकलंडमध्ये टी-२० संघापासून दूर सराव करताना, प्रामुख्याने लाल चेंडूच्या गोलंदाजांसह पाच स्थानिक गोलंदाजांविरुद्ध बराच वेळ फलंदाजी केली. कर्णधार आपल्या तयारीमध्ये कोणतीही कसर सोडत नाहीये, इतकेच नव्हे तर त्याने पाच वैयक्तिक नेट गोलंदाजांचा प्रवास, निवास आणि इतर खर्चासही स्वतःच्या खिशातून दिला असल्याचेही वृत्त आहे.
