पुन्हा एकदा नथिंगचा स्मार्टफोन खरेदी करण्याची संधी… ऑफर्समध्ये ‘या’ किंमतीत खरेदी करा…

नथिंग फोन (1)ची सुरुवातीची किंमत 32,999 पासून सुरू होते. या किमतीत हा स्मार्टफोन 8 GB रॅम आणि 128 GB स्टोरेजमध्ये उपलब्ध आहे. यात ड्युअल रियर कॅमेरा सेटअप देण्यात आला आहे. त्याचा पहिला सेंसर 50 मेगापिक्सलचा आहे आणि दुसरा 50 मेगापिक्सेलचा आहे. फोनमध्ये 16-मेगापिक्सलचा सेल्फी कॅमेरा देण्यात आला आहे. जर तुम्हालाही हा फोन घ्यायचा असेल, तर तुम्ही ऑफरमध्ये त्याची खरेदी करु शकणार आहात.

Image Credit source: social media

मंजिरी धर्माधिकारी | Updated on: Jul 30, 2022 | 6:12 PM

नथिंग फोन (1) (Nothing Phone 1) पुन्हा एकदा विक्रीसाठी उपलब्ध करून देण्यात आला आहे. हा फोन शनिवारी (ता. ३०) दुपारी 12 वाजल्यापासून विक्रीसाठी उपलब्ध झाला आहे. त्याची विक्री ई-कॉमर्स वेबसाइट फ्लिपकार्टवरुन (flipkart) करण्यात येणार आहे. 8 GB रॅम आणि 128 GB स्टोरेजसाठी सुरुवातीची किंमत 32,999 रुपयांपासून सुरू होते. फीचर्सबद्दल (features) बोलायचे झाले तर 12GB पर्यंत रॅम देण्यात आली आहे. यासोबतच 120Hz पर्यंत रिफ्रेश रेट, 4500mAh बॅटरी आणि क्वालकॉम स्नॅपड्रॅगन 778G+ प्रोसेसर सारखे फीचर्स देखील दिले गेले आहेत. जर तुम्हालाही हा फोन खरेदी करायचा असल्यास हा तुमच्यासाठी एक चांगला पर्याय ठरणार आहे. नथिंग फोन (1) ची किंमत आणि ऑफर्सबद्दल अधिक माहिती जाणून घेऊया.

नथिंग फोन (1) किंमत आणि ऑफर

हा स्मार्टफोन ब्लॅक ॲण्ड व्हाइट कॉम्बिनेशनमध्ये खरेदी केला जाऊ शकतो. 8GB रॅम आणि 128GB स्टोरेजची किंमत 32,999 रुपये आहे. तर 8GB रॅम आणि 256GB स्टोरेजची किंमत 35,999 रुपये आहे. 12GB रॅम आणि 256GB स्टोरेज वेरिएंटची किंमत 38,999 रुपये आहे. ऑफरबद्दल बोलायचे झाल्यास, एचडीएफसी बँक क्रेडिट कार्ड आणि इएमआयवर 2000 रुपयांची सूट दिली जाईल.

नथिंग फोनचे खास फीचर्स

हा फोन Android 12 वर काम करतो. हा फोन Qualcomm Snapdragon 778G+ प्रोसेसरने सज्ज आहे. यात 6.55 इंच फुल एचडी + OLED डिसप्ले आहे. तसेच यात ड्युअल रियर कॅमेरा सेटअप देण्यात आला आहे. त्याचा पहिला सेंसर 50 मेगापिक्सलचा आहे आणि दुसरा 50 मेगापिक्सेलचा आहे. फोनमध्ये 16-मेगापिक्सलचा सेल्फी कॅमेरा देण्यात आला आहे. याशिवाय 4500mAh बॅटरी देण्यात आली आहे. त्याचा रिफ्रेश रेट 60Hz ते 120Hz पर्यंत आहे. टच सॅम्पलिंग रेट 240Hz आहे.