Independence Day Sale : Mi TV 4X, Redmi Smart TV वर बंपर डिस्काऊंट, स्वस्तात स्मार्टफोन खरेदीची संधी
Xiaomi इंडिपेंडन्स डे सेल (Independence Day Sale) कंपनीच्या अधिकृत वेबसाइट Mi.com वर लाईव्ह आहे आणि आज (9 ऑगस्ट) रात्री 12 वाजेपर्यंत चालणार आहे.
मुंबई : Amazon ग्रेट इंडियन फेस्टिव्हल सेल आणि फ्लिपकार्ट बिग सेव्हिंग डे सेल सध्या चर्चेत असले तरी शाओमी (Xiaomi) कंपनीने येत्या स्वातंत्र्यदिनानिमित्त विशेष सेल (इंडिपेंडन्स डे सेल) आयोजित केला आहे. यामध्ये एमआय आणि रेडमी ब्रँडेड स्मार्टफोन आणि स्मार्ट टीव्ही मोठ्या डिस्काउंटसह उपलब्ध आहेत. Xiaomi इंडिपेंडन्स डे सेल (Independence Day Sale) कंपनीच्या अधिकृत वेबसाइट Mi.com वर लाईव्ह आहे आणि आज (9 ऑगस्ट) रात्री 12 वाजेपर्यंत चालणार आहे. विक्री दरम्यान, स्मार्ट टीव्ही, स्मार्ट वेअरेबल्स आणि लाइफस्टाइल गॅझेटसह इतर अनेक शाओमी उत्पादने सवलतीसह उपलब्ध असतील. (Xiaomi Independence Day Sale : Mi TV 4X, Redmi Smart TV, smartphones and other mi products has huge discounts)
या सेल दरम्यान कंपनीने अनेक स्मार्टफोन्सवर डिस्काऊंट देऊ केला आहे. यामध्ये Mi 10i (किंमत 20,499 रुपयांपासून सुरू होते), Mi 10T (किंमत 30,499 रुपये) आणि Redmi 9 (किंमत 8,799 रुपयांपासून सुरू होते) समाविष्ट आहेत. स्मार्ट टीव्हीमध्ये, Mi TV 4X (43-इंच) 28,999 रुपयांच्या परवडणाऱ्या किंमतीत उपलब्ध आहे, तर या वर्षी Redmi Smart TV X50 (50-inch) 36,999 रुपयांना विकला जात आहे. शाओमीच्या इंडिपेंडन्स डे सेलदरम्यान शाओमीचा 55 इंचाचा QLED स्मार्ट टीव्ही 58,999 रुपयांना विकला जात आहे.
Mi 11X आणि Mi 11 Lite वर आकर्षक सवलत
या सेलमध्ये दोन उपकरणे अशी आहेत जी तुम्हाला आकर्षित करू शकतात ती म्हणजे अलीकडेच लॉन्च केलेले Mi 11X आणि Mi 11 Lite. दोन्ही डिव्हाईस आकर्षक सवलतींसह उपलब्ध आहेत. Mi 11 Lite ने देशात याआधीच चांगली कामगिरी केली आहे आणि Xiaomi इंडिपेंडन्स डे सेलदरम्यान 20,499 रुपयांना खरेदी केला जाऊ शकतो. ही किंमत फोनच्या बेस व्हेरिएंटसाठी लागू आहे. हा फोन 21,999 रुपये इतक्या किंमतीसह लाँच करण्यात आला होता. विशेष म्हणजे काही दिवसांपूर्वी अशी बातमी आली होती की, Xiaomi भारतात Mi 11 Lite 4G बंद करू शकते, जी बातमी नंतर कंपनीने नाकारली.
दरम्यान, Mi 11X 25,999 रुपयांना विकला जात आहे, जो वनप्लस नॉर्ड 2 आणि पोको एफ 3 जीटी सारख्या नुकत्याच लॉन्च झालेल्या मिड-प्रीमियम स्मार्टफोनच्या किंमतीपेक्षा कमी किंमतीत उपलब्ध आहे. येथे या फोनची तुलना केली जात आहे कारण Xiaomi स्मार्टफोन क्वालकॉम स्नॅपड्रॅगन 870 SoC सह येतो. स्मार्टफोनमध्ये 120Hz AMOLED डिस्प्ले आणि 360Hz टच सॅम्पलिंग रेट देखील आहे.
इतर डिव्हाईसेसवरही डिस्काऊंट
Redmi Earbuds 2C (999 रुपयांना विकले जात आहेत), Mi Smart Band 5 Black ( 2,299 रुपयांमध्ये विकले जात आहेत) डिस्काउंट व्यतिरिक्त बँक ऑफरसह उपलब्ध आहेत. ग्राहक एचडीएफसी बँक क्रेडिट कार्ड वापरून या वस्तू खरेदी करताना सर्व एमआय स्मार्टफोनवर 3,000 रुपयांची सूट देखील घेऊ शकतात. त्याचप्रमाणे, ते याच बँकेचं कार्ड वापरून सर्व स्मार्ट टीव्हीवर 7,500 रुपयांची अतिरिक्त सूट मिळवू शकतात.
इतर बातम्या
YouTube वरून कसे कमवाल महिन्याला हजारो डॉलर? काय आहेत अटी? वाचा
भारतात केवळ 9 महिन्यांत चीनच्या ‘या’ स्मार्टफोनची 20 लाख युनिटची विक्री
अमेझॉनची डिलिव्हरी आता एका दिवसात, ‘या’ 50 शहरांमध्ये सुरु केली नवीन सेवा
(Xiaomi Independence Day Sale : Mi TV 4X, Redmi Smart TV, smartphones and other mi products has huge discounts)