5GIndia: विषय 5G सेवेचा, ट्रोल BSNL! सोशल मीडिया “5G मय”, मिम्स चा पाऊस

इंतजार खतम हुआ! 5G सेवेची प्रतीक्षा संपलेली आहे. पंतप्रधान नरेंद्र मोदी यांनी आज, 1 ऑक्टोबरला देशात 5 जी सेवेचा शुभारंभ केलाय. यासह आजपासून देशातील एकूण 13 शहरांमध्ये 5G सेवा सुरु झालीये. यात दिल्ली, मुंबई, कोलकाता आणि चेन्नई या शहरांचा समावेश आहे. 2023 सालापर्यंत ही सेवा संपूर्ण देशात पोहचवली जाईल, असं बोललं जात आहे. आता इंटरनेट 10 पट वेगाने धावणार. पूर्वी जितका वेळ जायचा एखादा चित्रपट, गेम डाउनलोड करण्यासाठी तितका वेळ आता इंटरनेट स्पीड वाढल्यामुळे लागणार नाही.

एकीकडे 5 जी सेवेचा श्रीगणेशा तर दुसरीकडे इंटरनेटवर मिम्स चा डंका! सोशल मीडियावर वातावरण एकदम 5G मय झालंय! लोकांनी इतके भन्नाट मिम्स शेअर केलेत की त्याला तोड नाही.