Viral Video : चिकन, मटणाप्रमाणे जिंवत किंग कोब्राला खातायत लोक, व्हिडीओ पाहून हादरून जाल!
सध्या एक व्हिडीओ सोशल मीडियावर खूप व्हायरल होत आहे. या व्हिडीओमध्ये एका रेस्टॉरंटमध्ये चक्क किंग कोब्रापासून वेगवेगळ्या रेसिपी तयार केल्या जात आहेत.
सोशल मीडियावर हैराण करून टाकणाऱ्या गोष्टी व्हायरल होतात. काही व्हिडीओ पाहून तर आपण थक्क होऊन जातो. सध्या एका ट्रॅव्हल व्लॉगरचा एक व्हिडीओ खूपच व्हायरल होत आहे. या व्हिडीओमध्ये एका रेस्टॉरंटमध्ये चक्क सापाला कापून त्याची खमंग आणि रुचकर असे खाद्यपदार्थ तयार करताना दाखवण्यात आले आहे. हा व्हिडीओ पाहून लोक वेगवेगळ्या कमेंट्स करत आहेत.
मिळालेल्या माहितीनुसार हा व्हिडीओ @magpie_vi या इन्स्टाग्राम खात्यावर पो्ट करण्यात आला आहे. हा व्हिडीओ हाँगकाँग येथील आहे. यातील दृश्य पाहून भारतीय नागरिकाला भीतीच वाटेल. हाँगकाँगमध्ये एक रेस्टरंट आहे. या रेस्टॉरंमध्ये चक्क सापापासून वेगवेगळे खाद्यपदार्थ तयार केले जातात, असा दावा करण्यात आला आहे.
हाँगकाँग येथील हे रेस्टॉरंट तिथे दिले जाणारे जेवण आणि त्या रेस्टॉरंटची मालकीण यामुळे प्रसिद्ध आहे. व्लॉगरच्या दाव्यानुसार हे काही आलिशान असे रेस्टॉरंट नाही. गेल्या 50 वर्षापासून हे रेस्टॉरंट चालू आहे. या महिलेला तिथे लोक सन्मानाने कोबरा क्वीन असं म्हणतात.
सापांपासून खाद्यपदार्थ कसे तयार केले जातात?
या रेस्टॉरंटमध्ये अनेक साप ठेवलेले आहेत. एका भिंतीला लागून असलेल्या लाकडी कपाटात जिवंत साप ठेवले जातात. ग्राहक इथे येऊन सापाची निवड करतात. ग्राहकांनी निवडलेल्या सापापासून खमंक असा खाद्यपदार्थ तयार केला जातो. ग्राहकांच्या मागणीनुसार येथे सापांना फ्राय करून, उकळून त्यापासून खाद्यपदार्थ तयार केले जातात. एका कोबरा डिशची किंमत साधारण 180 डॉलर्स (साधारण 15 हजार रुपये) आहे.
व्हिडीओ सोशल मीडियावर व्हायरल
या रेस्टॉरंटमध्ये सापांच्या वेगवेगळ्या भागापासून वेगवेगळ्या डिश तयार केल्या जातात. एक खाद्यपदार्थ तर आरोग्यासाठी खूप चांगला असल्याचा दावा या रेस्टॉरंटच्या मलाकिणीकडून केला जातो. दरम्यान, हा व्हिडीओ व्हायरल झाल्यानंतर लोक वेगवेगळ्या कमेंट्स करत आहे. अगदी कमी काळात हा व्हिडीओ इन्स्टाग्रामवर व्हायरल झाला आहे. लोक सापापासून खाद्यपदार्थ तयार केले जात असल्याने आश्चर्य व्यक्त करत आहेत.
