माकड अन् किंग कोबरमध्ये ‘कबड्डी’, थरारक व्हिडिओ व्हायरल

Viral Video

सोशल मीडियावर सध्या वेगवेगळे व्हिडिओ व्हायरल होत असतात. जंगलातील प्राण्यासंदर्भात व्हिडिओ इंटरनेट युजर्समध्ये चांगलेच लोकप्रिय होतात. दोन प्राण्यांमधील झुंज पाहण्यास सोशल मीडियावर पसंती दिली जाते. या दरम्यान सोशल मीडियावर एक व्हिडिओ व्हायरल होत आहे. हा व्हिडिओ माकड अन् किंग कोबरामधील झुंज सुरु असल्याचा आहे. दोघांमध्ये जणू कबड्डी सुरु असल्याचा हा थरारक व्हिडिओ चांगलाच व्हायरल झाला आहे.

काय आहे व्हायरल व्हिडिओमध्ये

व्हिडिओमध्ये माकड आणि किंग कोबरा यांच्यात लढाई होताना दिसत आहे. दोघे एकमेकांवर वर्चस्व मिळवण्याचा प्रयत्न करत असल्याचे दिसत आहे. दोन वेगवेगळ्या प्रकारचे प्राणी या पद्धतीने झुंज देत असल्याचा थरार प्रथमच पाहण्यास मिळत आहे. दोघांमधील या लढाईचा शेवट काय होतो, हे पाहण्याची उत्सुक्ता व्हिडिओ दरम्यान लागते.

कोणाचा होतो विजय

दोघांमध्ये कोण वर्चस्व गाजवते, कोणाचा विजय होतो, हे पाहण्यासाठी संपूर्ण व्हिडिओ पाहणे गरजेचे आहे. व्हिडिओच्या सुरुवातीला किंग कोबरा आणि माकड एकमेकांच्या समोर दिसतात. कोबरा याला माकड चकवा देण्याचा प्रयत्न करत असतो. कोबराचे हल्ले सुरुच असतात. मग मधूनच माकड आक्रमक होत हल्ला करतो. १.५२ सेंकदाच्या या व्हिडिओत शेवटी माकड कोबऱ्यावर वर्चस्व निर्माण करतो. यामुळे किंग कोबरा निघून जातो. विशेष म्हणजे माकडाला साखळीने बांधून ठेवले आहे.

सोशल मीडियावर हा व्हिडिओ चांगलाच व्हायरल झाला आहे. अनेकांनी त्याला लाईक अन् कॉमेंट केल्या आहेत. काही जणांनी माकडाला साखळीने बांधल्याबद्दल नाराजी व्यक्त केली आहे. हा माकड पाळीव असल्याचा अंदाज व्यक्त केला आहे. मनोजरंजनासाठी माकडाचा वापर केल्याबद्दल युजर्स नाराजी व्यक्त करण्यात आली आहे. अनेक जणांनी हा व्हिडिओ रिपोस्ट केला आहे. सुशांत नंदा या अकाउंटवरुन हा व्हिडिओ X वर (ट्विटर) पोस्ट करण्यात आला आहे.