Viral : नूडल्सपासून महिला विणतेय स्वेटर, सहा लाखांहून अधिक यूझर्सनी पाहिलाय ‘हा’ Video

अनेक महिलांना थंडीच्या वातावरणात लोकरीपासून स्वेटर, मफलर वगैरे विणताना पाहिलं असेल. पण सोशल मीडिया(Social Media)वर असा एक व्हिडिओ व्हायरल होतोय, तो पाहून तुम्हालाही असंच काहीतरी करण्याची इच्छा होईल.

नूडल्सपासून विणकाम

Pradeep Garad | Updated on: Jan 20, 2022 | 11:53 AM

सध्या थंडी(Cold)चा कडाका आहे. अनेकांनी आपलं ब्लँकेट(Blanket)देखील अजून काढलेलं नाही. काहींनी तर स्वेटर अंगातून काढलेलं नाही. जगाच्या विविध भागात थंडीची लाट कायम आहे. अशा परिस्थितीत लोकांचा आधार म्हणजे उबदार कपडे. तुम्ही अनेक महिलांना थंडीच्या वातावरणात लोकरीपासून स्वेटर, मफलर वगैरे विणताना पाहिलं असेल. पण सोशल मीडिया(Social Media)वर असा एक व्हिडिओ व्हायरल होतोय, तो पाहून तुम्हालाही असंच काहीतरी करण्याची इच्छा होईल. व्हिडिओ मनोरंजनात्मक आहे.

अप्रतिम कला

आपण चॉपस्टिक्सच्या मदतीनं नूडल्स विणत असलेली एक स्त्री पाहू शकता. होय, एका भांड्यात शिजवलेले नूडल्स आहेत, ते खाण्याऐवजी, ती महिला त्यामधून ‘स्वेटर’ विणत आहे. म्हणजे ती लोकर म्हणून नूडल्स वापरताना दिसतेय. त्यामुळेच या महिलेची ही अप्रतिम कला पाहून इंटरनेटवरील यूझर्सही आश्चर्यचकित झाले आहेत. अनेक यूझर्सना ही संकल्पना आवडलीय. नूडल्स खाताना एकादी व्यक्ती तरी किंवा महिला अशाप्रकारे चॉपस्टिक्स घेऊन स्वेटर विणण्याचा प्रयत्न करेल. अर्थात हे कौशल्याचं काम आहे. पण प्रयत्न करणारेही काही कमी नाहीत.

pic.twitter.com/c1XJh1vqda

— ✧ (@mixiaoz) January 16, 2022

ट्विटर हँडलवर शेअर

mixiaoz या ट्विटर हँडलवर ही क्लिप शेअर करण्यात आली आहे. याला 6 दशलक्षाहून अधिक व्ह्यूज मिळाले आहेत. तसेच 3 लाखांहून अधिक यूझर्सनी या ट्विटला लाइक केलं असून 81 हजारहून अधिक जणांनी ते रिट्विट केलं आहे. तर यावर शेकडो यूझर्सनी आपली प्रतिक्रियादेखील दिली आहे. एका यूझरनं लिहिलंय, की इथं चॉपस्टिक्ससह नूडल्स खाल्ले जात नाहीयेत तर त्यातून स्वेटर बनवले जात आहे. तर इतरांनी याला अप्रतिम कलाकृती म्हटलं आहे.