भावा, कशाला वेडेपणा करतोयस? तरसाचं चुंबन घेणाऱ्याला यूझर्स करतायत सावधान! Hyena video viral

Wild animals video : तरस (Hyena)... जंगलातील एक भयंकर (Dangerous) आणि क्रूर प्राणी. एक व्यक्ती भयंकर अशा तरसाचे चुंबन (Kiss) घेताना दिसत आहे. काही सेकंदांचा हा व्हिडिओ असून सोशल मीडियावर या व्हिडिओने खळबळ उडवून दिली आहे.

तरसाचं चुंबन घेणारी व्यक्ती

Pradeep Garad | Updated on: Feb 18, 2022 | 5:35 PM

Wild animals video : तरस (Hyena)… जंगलातील एक भयंकर (Dangerous) आणि क्रूर प्राणी… शिकार पाहून तो ज्या पद्धतीने त्याच्यावर तुटून पडतो आणि अत्यंत क्रूरपणे खातो, त्यावरून त्याचा धोकादायकपणा आपल्याला दिसून येतो. कधीकधी तर ते सिंहासारख्या प्राण्यावरही हल्ला करतात. सोशल मीडियावर असे अनेक व्हिडिओ समोर आले आहेत जो याचा पुरावा आहे. पण आजकाल तरस आणि माणसाचा असा एक व्हिडिओ व्हायरल झाला आहे. सर्वांनाच या व्हिडिओने आश्चर्याचा धक्का दिला आहे. व्हिडिओमध्ये ती व्यक्ती भयंकर अशा तरसाचे चुंबन (Kiss) घेताना दिसत आहे. काही सेकंदांचा हा व्हिडिओ असून सोशल मीडियावर या व्हिडिओने खळबळ उडवून दिली आहे. व्हायरल होत असलेला हा व्हिडिओ पहा. व्हिडिओमध्‍ये भयंकर हायनाला मिठी मारणारा एक माणूस खेळण्यासारखे चुंबन घेत आहे.

वाढू शकतात हृदयाचे ठोके

सोशल मीडियावर वन्यजीवांशी संबंधित काही व्हिडिओ अनेकदा व्हायरल होतात. यापैकी काही इतके मनोरंजक आहेत की तुम्हाला ते पुन्हा पुन्हा पाहायला आवडतात. त्याचबरोबर काही व्हिडिओ पाहून तुम्हाला तुमच्या डोळ्यांवर विश्वास ठेवणे कठीण जाते. या व्हिडिओत आपण पाहू शकता, की तरसाचे एक व्यक्ती चुंबन घेत आहे. मात्र तरस त्याच्यावर हल्ला करत नाही. हा व्हिडिओ पाहिल्यानंतर कमकुवत हृदयाच्या लोकांच्या हृदयाचे ठोके वाढू शकतात.

इन्स्टाग्रामवर शेअर

हायना आणि एका माणसाचा हा अत्यंत धक्कादायक व्हिडिओ wildlifeinsyder या अकाऊंटवरून इन्स्टाग्रामवर शेअर करण्यात आला आहे. 5 फेब्रुवारीला हा व्हिडिओ शेअर केला आहे. आतापर्यंत 1 लाख 20 हजारांहून अधिक लोकांनी या व्हिडिओला लाइक केले आहे. ही संख्या सातत्याने वाढत आहे. व्हिडिओ पाहिल्यानंतर यूझर्स सतत त्यांच्या प्रतिक्रिया नोंदवत आहेत. तरसाने त्या व्यक्तीवर हल्ला कसा केला नाही, याचे लोकांना आश्चर्य वाटते.