Ajit Pawar Death Updates : अजितदादांचं पार्थिव अंत्यदर्शनासाठी कुठे ठेवलं जाणार?

महाराष्ट्राचे राजकारण ढवळून काढणाऱ्या एका दुर्दैवी घटनेत, ज्येष्ठ नेते अजित पवार यांचे आज बारामतीजवळ विमान अपघातात निधन झाले. सकाळी आठ वाजता मुंबईहून चार्टर्ड विमानाने बारामतीकडे येत असताना पावणे नऊच्या सुमारास त्यांच्या विमानाला अपघात झाला आणि त्यात त्यांचा मृत्यू झाला. या अपघातात त्यांच्यासोबत असलेल्या सहकाऱ्यांचाही दुर्दैवी अंत झाला.

बारामतीतील विद्या प्रतिष्ठानच्या प्रांगणात त्यांचे पार्थिव सायंकाळी चार ते रात्री नऊ वाजेपर्यंत अंत्यदर्शनासाठी ठेवण्यात आले आहे. राष्ट्रवादी काँग्रेस पक्ष आपल्या नेत्याला गमावल्याने पोरका झाल्याची भावना कार्यकर्त्यांमध्ये आहे. बारामतीकरांचे लाडके दादा म्हणून ओळखल्या जाणाऱ्या अजित पवारांच्या निधनाने संपूर्ण राज्यात शोककळा पसरली आहे. उद्या सकाळी ११ वाजता विद्या प्रतिष्ठानच्या मैदानावर त्यांच्या पार्थिवावर अंत्यसंस्कार केले जातील, ज्यात पंतप्रधान आणि केंद्रीय गृहमंत्री अमित शहा उपस्थित राहणार आहेत.