Ajit Pawar Plane Crash Video : अजित पवारांचा अपघाताआधीचा विमान घिरट्या मारतानाचा भयंकर व्हिडीओ

अजित पवार यांच्या विमान अपघातापूर्वीचा एक हृदयद्रावक व्हिडीओ समोर आला आहे. बारामतीजवळच्या जळगाव सुपे गावातल्या एका मुलीने हा क्षण मोबाईलमध्ये कैद केला होता. व्हिडीओमध्ये विमान घिरट्या घालत असताना भयंकर आवाज येत होता, असे तिने सांगितले. लँडिंगमध्ये अडचण आल्याने पायलटने विमान पुन्हा आकाशात घेतले होते. दुर्दैवाने, त्यानंतर विमान क्रॅश झाले आणि या भीषण अपघातात महाराष्ट्राने आपला धडाडीचा नेता गमावला.

या विमानात उपमुख्यमंत्री अजित पवार, कॅप्टन सुमित कपूर, कॅप्टन शांभवी पाठक, सुरक्षा रक्षक विदिप जाधव आणि फ्लाईट अटेंडंट पिंकी माळी असे एकूण पाच जण होते. या सर्वांचा अपघातात मृत्यू झाला. अपघात इतका भीषण होता की मृतदेहांची ओळख पटवणे कठीण झाले होते. मात्र, कपडे आणि अजित पवारांच्या हातात असलेल्या घड्याळावरून मृतांची ओळख पटवण्यात आली. अजित पवारांच्या मनगटावर असलेले घड्याळ, जे त्यांच्या पक्षाचे चिन्हही आहे, ते त्यांच्या ओळखीचे साधन ठरले.