Ajit Pawar Plane Crash Death : फडणवीस, शिंदेंकडून सुनेत्रा पवारांचं सांत्वन; बारामतीत कार्यकर्त्यांची अलोट गर्दी

महाराष्ट्राचे उपमुख्यमंत्री अजित पवार यांच्या विमान अपघाती निधनाने संपूर्ण राज्यावर शोककळा पसरली आहे. आज सकाळी झालेल्या भीषण विमान अपघातात अजित पवार यांच्यासह एकूण सहा जणांचा मृत्यू झाला आहे. या दुर्दैवी घटनेने राजकीय वर्तुळाला मोठा धक्का बसला आहे.

अजित पवार यांचे पार्थिव सध्या बारामती येथील रुग्णालयात असून, थोड्याच वेळात ते विद्या प्रतिष्ठानच्या प्रांगणामध्ये अंत्यदर्शनासाठी आणले जाईल. रात्री १० वाजेपर्यंत सर्वसामान्यांना त्यांचे अंत्यदर्शन घेता येईल. उद्या सकाळी ११ वाजता त्यांच्या पार्थिवावर अंत्यसंस्कार केले जातील, अशी माहिती मिळाली आहे. या घटनेमुळे आज महाराष्ट्रात शासकीय सुट्टी जाहीर करण्यात आली असून, तीन दिवसांचा दुखवटा पाळला जाणार आहे.

मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी बारामतीला भेट देऊन पवार कुटुंबाचे, विशेषतः सुनैत्रा पवार यांचे सांत्वन केले. शरद पवार, सुप्रिया सुळे यांच्यासह संपूर्ण पवार कुटुंब बारामतीमध्ये उपस्थित आहे. अजित पवारांच्या अंतिम दर्शनासाठी बारामतीत हजारो कार्यकर्त्यांनी आणि सामान्य नागरिकांनी गर्दी केली आहे.