Ajit Pawar Death in Plane Crash : अजित पवारांच्या विमान दुर्घटनेच्या वेळीचा आणखी एक व्हिडीओ समोर

राजकीय नेते अजित पवार यांच्या कथित विमान अपघाताशी संबंधित एक व्हिडिओ सध्या मोठ्या प्रमाणात व्हायरल होत आहे. या व्हिडिओमध्ये एक विमान आकाशात घिरट्या घालत असल्याचे दिसत आहे. मिळालेल्या माहितीनुसार, हा व्हिडिओ लँडिंगपूर्वीचा असून सुपे येथील निशा सचिन खोमने नावाच्या स्थानिक मुलीने तो आपल्या मोबाईलमध्ये शूट केला आहे.

निशा खोमने यांनी दिलेल्या माहितीनुसार, सकाळी ८:३५ ते ८:३६ च्या सुमारास त्यांना आपल्या भागातून एक विमान जाताना दिसले. विमानाचा आवाज खूप भयंकर होता, त्यामुळे त्यांनी त्याचे फोटो आणि व्हिडिओ घेतले. या विमानाला लँडिंगसाठी कोणताही मार्ग मिळत नव्हता किंवा दृश्यमानता कमी होती, असे सांगितले जात आहे. खराब हवामानामुळे विमान खाली उतरू शकले नाही, अशी चर्चा आहे. नंतर हे विमान अजित पवारांचे असल्याचे समजले. हा व्हिडिओ आता अजित पवारांच्या कथित विमान अपघाताच्या संदर्भात समोर आला आहे.