Ajit Pawar Death in Plane Crash LIVE : अजित पवारांचा विमान अपघातात मृत्यू; सुप्रिया सुळे, सुनेत्रा पवार दिल्लीहून बारामतीसाठी रवाना

महाराष्ट्राचे ज्येष्ठ नेते आणि उपमुख्यमंत्री अजित पवार यांचे बारामतीजवळ विमान अपघातात निधन झाल्याची धक्कादायक बातमी समोर आली आहे. प्रचारासाठी बारामतीकडे जात असताना त्यांच्या विमानाचा भीषण अपघात झाला, ज्यात त्यांना प्राण गमवावे लागले. अपघातानंतर विमानाला आग लागून ते पूर्णपणे जळून खाक झाले.

या दुःखद घटनेने महाराष्ट्राच्या राजकारणात शोककळा पसरली आहे. अजित पवार यांच्या निधनाचे वृत्त कळताच सुप्रिया सुळे आणि सुनेत्रा पवार दिल्लीहून तातडीने बारामतीसाठी रवाना झाल्या आहेत. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनीही आपले सर्व नियोजित कार्यक्रम रद्द करून बारामतीकडे प्रस्थान केले आहे. अजित पवार हे कार्यकर्त्यांमध्ये अत्यंत लोकप्रिय होते आणि त्यांच्या निधनाने राजकीय वर्तुळाला मोठा धक्का बसला आहे.