Maharashtra Election 2026 : ठाण्याच्या मानपाडा मतमोजणी केंद्रावर EVM वरून राडा, मीनाक्षी शिंदे आणि अपक्ष उमेदवारांमध्ये गदारोळ

ठाण्याच्या मानपाडा येथील मतमोजणी केंद्रावर ईव्हीएम मशीनच्या संशयावरून मोठा गदारोळ झाला. शिवसेनेच्या (शिंदे गट) मीनाक्षी शिंदे आणि अपक्ष उमेदवारांच्या समर्थकांमध्ये हा वाद झाल्याचे वृत्त आहे. मतमोजणी केंद्रातून ईव्हीएम मशीन घेऊन जात असताना बसेस अडवण्यात आल्या. मीनाक्षी शिंदे यांच्यासह अनेक शिवसैनिकांनी केंद्रावर गर्दी केली होती. अपक्ष उमेदवाराच्या समर्थकांनी आरोप केला की, सील केलेली ईव्हीएम मशीन पुन्हा उघडण्यात आली आणि बोगस मतदान करण्याचा प्रयत्न झाला. या प्रकरणी पोलीस प्रशासनाच्या भूमिकेवरही प्रश्नचिन्ह उपस्थित करण्यात आले. भूषण मोघे नामक अपक्ष समर्थकाच्या डोळ्यात मिरचीची पूड टाकल्याचा गंभीर आरोपही करण्यात आला. यामुळे परिसरात काही काळ तणावाची स्थिती निर्माण झाली होती, आणि पोलीस गर्दी पांगवण्याचा प्रयत्न करत होते.