Amit Thackeray | नाशिक धर्मांतरण प्रकरणी अमित ठाकरे आक्रमक; म्हणाले, मी असतो तर…

नाशिक शहरातील एका नामांकित मल्टिनॅशनल आयटी कंपनीत महिला कर्मचाऱ्यांचे लैंगिक शोषण आणि धर्मांतराच्या प्रयत्नांचे गंभीर प्रकरण समोर आल्याने खळबळ उडाली आहे. या प्रकरणावर मनसे नेते अमित ठाकरे यांनी आक्रमक भूमिका मांडली आणि स्पष्ट वक्तव्य केलं.

अमित ठाकरे यांनी धर्मांतरणाबाबत बोलताना सांगितले की, असे प्रकार पुन्हा होणार नाहीत याची जाणीव करुन द्या. जर मी या जागी असोत तर मी आरोपींना फाशी दिली असती. या नंतर त्यांनी ड्रग्स, तस्करी तसेच अनेक प्रकरणांवर भाष्य करत सरकार वर थेट निशाणा साधला.

याआधी संबंधित प्रकरणात नाशिक पोलिसांनी मोठी कारवाई करत अनेक आरोपींना अटक केली होती. मिळालेल्या माहितीनुसार, आरोपी मिटींगच्या नावाखाली महिला कर्मचाऱ्यांचे लैंगिक शोषण करत असल्याचा आरोप आहे. तसेच काही कर्मचाऱ्यांवर दबाव टाकत मानसिक छळ आणि आक्षेपार्ह टिप्पणी करून त्यांचे मानसिक खच्चीकरण केल्याचाही आरोप करण्यात आला आहे. या प्रकरणात आतापर्यंत 9 गुन्हे दाखल करण्यात आले असून असिफ अन्सारी, शफी शेख, शाहरुख कुरेशी, रजा मेमन यांना अटक करण्यात आली आहे.