“पुढच्या वर्षी अजितदादाच विठ्ठलाची शासकीय पूजा करतील”, राष्ट्रवादीच्या नेत्याचा दावा

पुणे: “पुढच्या वेळी अजित दादाच मुख्यमंत्री म्हणून विठ्ठलाची शासकीय पूजा करतील,” असा दावा राष्ट्रवादी काँग्रेसचे आमदार अमोल मिटकरी यांनी केला आहे.अमोल मिटकरी जगद्गुरु संत श्रेष्ठ तुकाराम महाराज पालखी सोहळ्यात सहकुटुंब दाखल झाले. यावेळी ते म्हणाले की, “अजितदादांनी विरोधी पक्षनेते पदावरून मुक्त होण्याची इच्छा व्यक्त केली आहे. त्यामुळे आम्ही त्यांना मुख्यमंत्री करणार आहोत. पुढच्या वर्षी ते मुख्यमंत्री असतील असं साकडं मी विठ्ठल चरणी घालतोय. वारकऱ्यांना सेवा पुरवण्यात हे सरकार अपयशी ठरलं आहे. मुख्यमंत्री एकनाथ शिंदे यांची ही शेवटची विठ्ठलाची पूजा असणार आहे,” असा दावा मिटकरी यांनी केला.