उपमुख्यमंत्री देवेंद्र फडणवीस अयोध्येच्या दिशेने रवाना; रामलल्लाचं दर्शन घेणार

मुंबई : राज्याचे उपमुख्यमंत्री देवेंद्र फडणवीस अयोध्येसाठी रवाना झाले आहेत. आज देवेंद्र फडणवीस रामलल्लाचं दर्शन घेणार आहेत. देवेंद्र फडणवीस हे भाजपच्या आमदारांसह अयोध्येच्या दिशेने निघाले आहेत. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस रामलल्लाचं दर्शन घेणार आहेत. अयोध्येत ठिकठिकाणी दोन्ही नेत्यांच्या स्वागताचे बॅनर्स लावण्यात आले आहेत. मुख्यमंत्री एकनाथ शिंदे कालपासून अयोध्या दौऱ्यावर आहेत. काल लखनौ विमानतळावर त्यांचं स्वागत करण्यात आलं आहे. यावेळी मंत्री, आमदार, खासदार आणि शिवसेनेच्या नेत्यांचं जंगी स्वागत करण्यात आलं. आता देवेंद्र फडणवीस देखील अयोध्येच्या दिशेने रवाना झाले आहेत. आज मुख्यमंत्री-उपमुख्यमंत्री रामलल्लाचं दर्शन घेणार आहेत.