भाजपचे दिग्गज नेते यंदा लोकसभेच्या रिंगणात उतरणार, ‘या’ 7 नेत्यांना मिळणार खासदारकीचं तिकीट?

मुंबई, ३० सप्टेंबर २०२३ | आगामी लोकसभा निवडणुकीच्या पार्श्वभूमीवर भाजपच्या गोटातून मोठी बातमी समोर येत आहे. आगामी लोकसभा निवडणुकीसाठी भाजपकडून चाचपणी सुरू करण्यात आल्याची जोरदार चर्चा सुरू आहे. यंदा लोकसभेच्या निवडणुकीच्या रिंगणात भाजपचे दिग्गज नेते उतरणार असल्याचे सांगितले जात असून भाजप ७ आमदारांना लोकसभेसाठी तिकीट देणार आहे. यामध्ये सुधीर मुनगंटीवार, गिरीश महाजन, आकाश फुंडकर, राम सातपुते, रवींद्र चव्हाण, संजय केळकर आणि राहुल नार्वेकर यांच्या नावाचं चर्चा सुरूये. इतकंच नाही तर त्यांना खासदारकीचं तिकीट देण्यात येणार असल्याचेही सांगितले जात आहे. दरम्यान, लोकसभेच्या ४५ प्लस मिशनसाठी भाजपकडून मोठी रणनिती आखली जात आहे. नेत्यांची मतदारसंघातील लोकप्रियता आणि जातीय समीकरणं पाहून भाजप आमदारांना खासदारकीसाठी उतरवणार असल्याचे म्हटले जात आहे.