बिहारमध्ये राजकीय भूकंप! नितीश कुमारांचा राज्यसभा प्रवेश, भाजपचा मुख्यमंत्री होणार?

बिहारच्या राजकारणात अवघ्या चार महिन्यांत मोठे समीकरण बदलले आहे. मुख्यमंत्री नितीश कुमारांनी आता राज्यसभा सदस्य बनण्याचा निर्णय घेतला आहे, ज्यामुळे बिहारमध्ये भाजपचा स्वतःचा मुख्यमंत्री होण्याचा मार्ग प्रथमच मोकळा झाला आहे. नोव्हेंबर 2025 मध्ये मुख्यमंत्रीपदाची शपथ घेतल्यानंतर चारच महिन्यांत नितीश कुमार हे पद सोडतील.

नितीश कुमारांच्या या निर्णयामुळे बिहारमध्ये विधानसभा निवडणुकीनंतर मोठा राजकीय उलथाफेर झाला आहे. नितीश कुमार मार्च 2000 पासून ते मार्च 2026 या कालावधीमध्ये 10 वेळा मुख्यमंत्री झाले आहेत. कधी आरजेडी तर कधी भाजपसोबत आघाडी करत त्यांनी सत्तेची सूत्रे सांभाळली आहेत, ज्यामुळे त्यांना राजकारणात पलटूराम असेही संबोधले जाते. केंद्रीय गृहमंत्री अमित शाह यांनी पाटण्यात नितीश कुमारांच्या राज्यसभा अर्जासाठी हजेरी लावली. भाजपकडून उपमुख्यमंत्री सम्राट चौधरी, नित्यानंद राय यांच्यासह अनेक नेते मुख्यमंत्रीपदाच्या शर्यतीत आहेत.