BMC Elections : BMC साठी भाजपचा जागावाटपाचा नवा फॉर्म्युला, ठाकरेंचे नगरसेवक तिथंच BJP चा सर्व्हे अन्..

मुंबई महानगरपालिका निवडणुकीच्या तयारीने वेग घेतला आहे. भाजप मुंबई पालिकेसाठी जागावाटपाचा एक नवीन फॉर्म्युला घेऊन येणार आहे. भाजपने ठाकरे गटाचे नगरसेवक असलेल्या जागांवर सखोल सर्वेक्षण केले आहे. शिंदे गट आणि भाजप यांच्यामध्ये जागावाटप कशा पद्धतीने असावे, याबाबतही सर्व्हे करण्यात आला आहे. या सर्व्हेनुसार काही प्रभागांमध्ये जागांची अदलाबदल होण्याची शक्यता वर्तवली जात आहे. जागावाटपाचा अंतिम निर्णय वरिष्ठ पातळीवर घेतला जाईल असे सांगण्यात आले आहे.

भाजपचे नेते देवेंद्र फडणवीस, रवींद्र चव्हाण, आशिष शेलार, अमित साटम यांनी महायुतीतर्फे मुंबई महानगरपालिकेची निवडणूक लढवणार असल्याचे म्हटले आहे. मोदी सरकार आणि महाराष्ट्र सरकार यांच्या डबल इंजिनच्या माध्यमातून मुंबईचा विकास होईल आणि जनतेचा त्यांना पाठिंबा मिळेल असा विश्वास त्यांनी व्यक्त केला. महायुती ५१% मते मिळवून दोन तृतीयांश बहुमताने मुंबई महानगरपालिकेत निवडून येईल, असा दावाही त्यांनी केला.