Nitesh Rane : उद्या आम्ही सामंतांबद्दल बोलून धिंगाणा घातला तर? बंधू निलेश राणेंच्या आरोपांवर नितेश राणे स्पष्टच म्हणाले…

सिंधुदुर्गमध्ये भाजपच्या एका पदाधिकाऱ्याकडे पैसे मिळाल्याच्या स्टिंग ऑपरेशनवर भाजपचे नेते नितेश राणेंनी आपली भूमिका स्पष्ट केली आहे. नितेश राणेंनी म्हटले की, कार्यकर्ते राजकीय आणि सामाजिक कामांसाठी पक्षात येतात, परंतु त्यांचे स्वतःचे व्यवसायही असतात. व्यवसायासाठी किंवा गुंतवणुकीसाठी घरात किंवा कार्यालयात पैसे असणे यात काही गैर नाही, असे त्यांनी म्हटले. या प्रकरणी निवडणूक आयोग आणि पोलीस खात्याने सखोल, निपक्ष चौकशी करावी आणि दोषींवर निश्चितपणे कारवाई करावी, अशी मागणी भाजपने केली आहे. रवींद्र चव्हाण यांच्या सिंधुदुर्गमधील भेटींवर निलेश राणेंनी केलेल्या राजकीय आरोपांनाही भाजपने फेटाळून लावले. यावेळी राणेंनी उद्या जर आम्ही उदय सामंत यांच्याबद्दल बोलून असा धिंगाणा घातला तर…? असा उलट सवालही उपस्थित केला.