Fadnavis Govt C-Voter Survey : फडणवीस सरकारचं 1 वर्ष, मुख्यमंत्र्यांना किती मार्क? काय सांगतो सी-व्होटरचा सर्व्हे?

मुख्यमंत्री देवेंद्र फडणवीस यांच्या नेतृत्वाखालील महायुती सरकारने एक वर्ष पूर्ण केले आहे. या कार्यकाळात सरकारच्या कामगिरीचे सी-व्होटरमार्फत सर्वेक्षण करण्यात आले. महाराष्ट्रातील पायाभूत सुविधांच्या विकासाबाबत 26.4% लोकांनी ‘खूप चांगले’ तर 14.8% लोकांनी ‘चांगले’ असे मत व्यक्त केले आहे. रस्ते आणि वाहतूक विकासात 24% लोक पूर्णपणे समाधानी आहेत. आर्थिक परिस्थिती आणि जीडीपी वाढीमध्ये अनुक्रमे 17.8% आणि 19% लोकांनी ‘भरपूर’ किंवा ‘खूप चांगली’ सुधारणा झाल्याचे म्हटले आहे. मुंबई 3.0 व्हिजनअंतर्गत मुंबईतील प्रकल्पांना जनतेचा चांगला प्रतिसाद मिळाला आहे. मेट्रो नेटवर्कमुळे गर्दी कमी होईल असे 31.1% लोकांना वाटते. कोस्टल रोड, मेट्रो, एमटीएचएल यांसारख्या प्रकल्पांच्या प्रगतीवर बहुसंख्य लोक समाधानी आहेत. भविष्यातील सरकारांनी मुंबई 3.0 प्रकल्प सुरू ठेवावेत असे 46.8% लोकांना वाटते, जे सरकारच्या विकास धोरणांना मिळालेल्या पाठिंब्याचे द्योतक आहे.