दुबईत अडकलेले नागरिक अखेर मायदेशी परतले!

इराण आणि इस्रायल यांच्यातील वाढत्या संघर्षाच्या पार्श्वभूमीवर, दुबईत अडकलेल्या काही भारतीय प्रवाशांना घेऊन एक विमान दिल्लीत दाखल झाले आहे. या प्रवाशांपैकी एका महिलेने टीव्ही 9 मराठीशी बोलताना आपले अनुभव सांगितले.

ती महिला दिल्लीची रहिवासी असून, तिला प्रत्यक्षात 1 तारखेलाच दुबईतून परत यायचे होते. मात्र, परिस्थितीमुळे तिला परत येण्यास उशीर झाला. तिने सांगितले की दुबईमध्ये असताना दूरवरून काही स्फोटांचे आवाज ऐकू आले होते. ती तिच्या नातेवाईकांकडे सुरक्षित असली तरी, सध्या दुबईतील हवाई वाहतुकीची स्थिती अनिश्चित आहे. अनेक विमाने रद्द होत असल्याने आणि आता परतलेले विमानही मोठ्या प्रयत्नांनी मिळाल्याने, ती दुबईला सध्या प्रवास करण्यासाठी सुरक्षित ठिकाण मानत नाही. दुबई विमानतळावरील प्रशासनाने प्रवाशांना चांगले सहकार्य केले, असेही तिने नमूद केले.