मूल रडल्याशिवाय आई सुद्धा दूध पाजत नाही, गोपीचंद पडळकर नेमकं काय म्हणाले?

मुंबई, २१ नोव्हेंबर २०२३ : गेल्या 50 दिवसांपासून धनगर आरक्षणासाठी आम्ही शांततेच्या मार्गाने आंदोलन करत होतो, मोठा संघर्ष समाजाचा सुरू असल्याचे भाजप आमदार गोपीचंद पडळकर यांनी म्हटले. तर मूल रडल्याशिवाय आई सुद्धा दूध पाजत नाही, अशा ग्रामीण भागातील म्हणीचा दाखला देत धनगर समाजाच्या आरक्षणासाठीच्या भावना सरकारकडे पोहोचवण्याचं काम करत आहोत. सरकार आल्यापासून सातत्याने हे आंदोलनं सुरू असे गोपीचंद पडळकर म्हणाले. इतकंच नाहीतर सरकार यामधून नक्कीच चांगला मार्ग काढेल असा विश्वासही पडळकर यांनी व्यक्त केला आहे. तर धनगर समाजाच्या आरक्षणाचा विषय पूर्णतः वेगळा आहे. धनगर समाजाचा एसटी प्रवर्गामध्ये समावेश करा, अशी वेगळी मागणी करत नाही तर या प्रवर्गात आधीपासूनच धनगर समाज आहे. त्यामुळे धनगर समाजाच्या आरक्षणाची अंमलबजावणी करावी, अशी पडळकर यांनी मागणी केली आहे.