DGCA IndiGo : सुट्ट्यांबाबत ‘इंडिगो’चे नियम शिथिल, DGCA कडून जारी केलेले नवे आदेश काय?

डीजीसीए कडून इंडिगोला साप्ताहिक सुट्टीच्या नियमांमध्ये शिथिलता देण्यात आली असून, नवे आदेश तात्काळ प्रभावाने लागू होणार आहेत. गेल्या दोन-तीन दिवसांपासून इंडिगोच्या कर्मचाऱ्यांच्या मोठ्या प्रमाणावरील अनुपस्थितीमुळे विमानसेवा विस्कळीत झाली होती. यामुळे देशभरातील अनेक विमानांची उड्डाणे रद्द करण्यात आली होती, ज्यामुळे विमानतळांवर प्रवाशांची मोठी गर्दी झाली होती.

डीजीसीएने कर्मचाऱ्यांच्या रोस्टर ऑर्डर मागे घेतल्याने इंडिगोवरील कर्मचाऱ्यांच्या कामाचे संकट आता कमी होणार आहे. त्यामुळे विमानवाहतूक करणाऱ्या प्रवाशांना मोठा दिलासा मिळणार आहे. या विस्कळीत विमानसेवेनंतर इंडिगोने प्रवाशांची गैरसोय झाल्याबद्दल माफी मागितली आहे. तसेच, प्रवाशांच्या खाण्या-पिण्याची आणि राहण्याची व्यवस्था करण्याचे आश्वासन दिले आहे. इंडिगोने आपल्या प्रवाशांना उपलब्ध उड्डाण पर्याय देण्याचेही वचन दिले आहे. हा निर्णय इंडिगोच्या सामान्य कामकाजासाठी आणि प्रवाशांच्या सोयीसाठी महत्त्वाचा ठरणार आहे.