कल्याण – डोंबिवलीतील ठाकरे सेनेच्या मिसिंग नगरसेवकांचे पोस्टर्स लागले!

कल्याण-डोंबिवली महानगरपालिकेतील ठाकरे गटाचे नगरसेवक मधुर म्हात्रे आणि कीर्ती ढोणे हे १६ तारखेपासून बेपत्ता झाल्याने राजकीय वर्तुळात खळबळ उडाली आहे. या दोन्ही नगरसेवकांचा शोध घेण्यासाठी ठाकरे सेनेने शहराच्या विविध भागांत त्यांचे पोस्टर्स लावले आहेत. या पोस्टर्सवर त्यांचा संपर्क साधण्याचे आवाहन करण्यात आले आहे.

ठाकरे सेनेने यासंदर्भात कोलशेवाडी पोलीस ठाण्यात तक्रारही दाखल केली आहे. पक्षाच्या म्हणण्यानुसार, त्यांनी बेपत्ता नगरसेवकांच्या घरी आणि कार्यालयात संपर्क साधण्याचा प्रयत्न केला, परंतु त्यांचा ठावठिकाणा लागलेला नाही. पक्षश्रेष्ठी आणि खासदार संजय राऊत यांच्या आदेशाने हे पोस्टर्स लावण्यात आले आहेत, जेणेकरून नागरिकांना माहिती मिळाल्यास ते पक्षाच्या स्थानिक शाखेशी संपर्क साधू शकतील. पक्षाने बेपत्ता नगरसेवकांना प्रशासनाला न घाबरता संपर्क साधण्याचे आवाहन केले आहे.