Kolhapur Crime : नवरा की हैवान, आधी डोळ्यात मिर्चीची चटणी मग कोयत्यानं पत्नीवर सपासप वार, कोल्हापूर हादरलं

कोल्हापूर जिल्ह्यातील हातकणंगले तालुक्यातील भादोले येथे एका पतीने क्रूरपणे पत्नीची हत्या केल्याची धक्कादायक घटना समोर आली आहे. मिळालेल्या माहितीनुसार, पतीने पत्नीच्या डोळ्यात पहिल्यांदा मिर्चीची तिखट चटणी टाकली आणि त्यानंतर कोयत्याने वार करून तिची हत्या केली. या घटनेमुळे परिसरात एकच खळबळ उडाली आहे. हातकणंगलेमधील भादोले गावात घडलेली ही घटना गंभीर स्वरूपाची आहे. हत्या केल्यानंतर आरोपी पती घटनास्थळावरून पळून गेला होता. या गुन्ह्याची माहिती मिळताच स्थानिक पोलिसांनी तात्काळ तपास सुरू केला. रात्री उशिरा पोलिसांनी फरार झालेल्या आरोपी पतीला ताब्यात घेतले आहे. या प्रकरणाचा पुढील तपास पोलीस करत आहेत.