Jyoti Waghmare : कलेक्टरला जाब विचारला झालं उलटच! जिल्हाधिकाऱ्यानंच शिंदेंच्या महिला नेत्याला सुनावलं

सोलापूर जिल्ह्यात नुकसानग्रस्त शेतीच्या पाहणीदरम्यान, प्रशासकीय अधिकाऱ्यांना फोन करण्याच्या प्रयत्नात शिंदे गटाच्या शिवसेनेच्या प्रवक्त्या ज्योती वाघमारे यांना सोलापूरच्या जिल्हाधिकाऱ्यांकडून फटकारले गेले. वाघमारे पूरग्रस्तांना मदत पोहोचवण्याबाबत विचारणा करत असताना, जिल्हाधिकाऱ्यांनी त्यांना मी कलेक्टर बोलत असल्याचे सांगत बोलू देण्यास सांगितले. ३ हजार लोकांसाठी केवळ २०० किट्स कसे पुरणार, असा प्रश्न जिल्हाधिकाऱ्यांनी वाघमारे यांना विचारला.

तसेच, “तुमच्या राजकारणात मला पडायचे नाही. ही मदत करण्याची वेळ आहे,” असे सुनावले. ज्योती वाघमारे यांनी शेतकऱ्यांचा आवाज प्रशासनापर्यंत पोहोचवणे हा गुन्हा नसल्याचे म्हटले. त्या म्हणाल्या की, शेतकरी अडचणीत असताना त्यांना मदत करणे हेच प्राधान्य आहे, राजकारण नाही. या घटनेपूर्वी, दोन दिवसांपूर्वी कृषिमंत्री दत्तात्रय भरणे यांनीही सोलापूरच्या जिल्हाधिकाऱ्यांना पूरग्रस्तांना मदत न मिळाल्यावरून जाब विचारला होता.