राज्यात पुन्हा एकदा पावसाचा कमबॅक! अनेक ठिकाणी पुरस्थिती

बीड जिल्ह्यात झालेल्या मुसळधार पावसामुळे गंभीर पूरस्थिती निर्माण झाली आहे. कोठाळा आणि साळेगाव येथील सरस्वती नदीवर पूर आला असून, या पुराच्या पाण्यातून दोन व्यक्ती धोकादायक प्रवास करत आहेत. पूर परिस्थितीमुळे परिसरातील वीजपुरवठा खंडित झाला आहे. प्रशासनाने पुरातून प्रवास करू नये असे आवाहन केले आहे. तरीही काही लोक धोका पत्करून प्रवास करण्याचा प्रयत्न करत आहेत. माझलगाव तालुक्यातील गंगा मसला परिसरात झालेल्या अतिवृष्टीमुळे मोरेश्वर मंदिर पाण्याखाली गेले आहे. केवळ मंदिराचा कळसच दिसत आहे. माझलगाव धरणाचे अकरा दरवाजे उघडण्यात आले असून, सध्या धरणातून २०००० क्यूसेक वेगाने पाण्याचा विसर्ग होत आहे. सिंधफणा नदीकाठच्या गावांना सतर्कतेचा इशारा देण्यात आला आहे.