Mahayutis Election Strategy : महापालिका निवडणुकांसाठी महायुतीचा फॉर्म्युला ठरला, अजितदादांच्या युतीचं कुठं हो… कुठं नाही!

महायुतीचा आगामी महापालिका निवडणुकांसाठीचा लढण्याचा फॉर्म्युला निश्चित झाल्याची माहिती सूत्रांनी दिली आहे. यानुसार, महाराष्ट्रातील प्रमुख शहरांमध्ये महायुतीची रणनीती वेगवेगळी असणार आहे. मुंबई, ठाणे, कल्याण-डोंबिवली, नाशिक आणि नागपूर येथे भारतीय जनता पक्ष (भाजप) आणि उपमुख्यमंत्री एकनाथ शिंदे यांच्या नेतृत्वाखालील शिवसेना (शिंदे गट) एकत्रितपणे निवडणूक लढवणार आहेत. पुणे आणि पिंपरी-चिंचवड महानगरपालिका निवडणुकांसाठी मात्र वेगळी रणनीती अवलंबली जाणार आहे. या दोन्ही शहरांमध्ये भाजप आणि उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेस (अजित पवार गट) स्वतंत्रपणे निवडणूक लढतील. सूत्रांच्या माहितीनुसार, पुणे आणि पिंपरी-चिंचवडमध्ये दोन्ही पक्षांची ताकद समसमान असल्याने कार्यकर्त्यांना संधी मिळावी आणि बंडखोरी टाळता यावी, यासाठी हा निर्णय घेण्यात आला आहे. यामुळे विरोधकांना बाजूला सारणे सोपे होईल असाही एक उद्देश आहे. नवी मुंबईसंदर्भात अद्याप कोणताही निर्णय झालेला नाही.