ओबीसी आरक्षण शाबूत ठेवण्यासाठी ओबीसी आरक्षण उपसमिती

महाराष्ट्र सरकारने ओबीसी आरक्षणाच्या संरक्षणासाठी एक महत्त्वाची उपसमिती गठित केली आहे. चंद्रशेखर बावनकुळे यांच्या अध्यक्षतेखाली असलेल्या या उपसमितीत आठ मंत्र्यांचा समावेश आहे. अतुल सावे, पंकजा मुंडे आणि गणेश नाईक हे या उपसमितीचे सदस्य आहेत. गुलाबराव पाटील, संजय राठोड, छगन भुजबळ आणि दत्तात्रय भरणे या मंत्र्यांनाही या समितीत जबाबदारी देण्यात आली आहे. ओबीसी समाजाकडून दीर्घकाळापासून या उपसमितीची मागणी करण्यात येत होती. या उपसमितीच्या माध्यमातून ओबीसी आरक्षणाबाबतच्या विविध प्रश्नांचा विचार करून योग्य तो निर्णय घेतला जाईल अशी अपेक्षा आहे.