Manoj Jarange on Ramdas Kadam : मनोज जरांगेंनी केली रामदास कदमांची नक्कल, म्हणाले…

मराठा समाजाच्या आरक्षणासाठी लढा देणारे मनोज जरांगे यांनी शिवसेना नेते रामदास कदम यांच्यावर तीव्र शाब्दिक हल्ला चढवला आहे. जरांगे यांनी कदमांवर पैशांसाठी मराठा समाजाविरोधात काम केल्याचा आणि निष्ठा बदलल्याचा आरोप केला. रामदास कदम यांनी ५०० कोटी रुपयांच्या आरोपांबाबत भाजपला दोषी धरत हात झटकले होते, यावरही जरांगे यांनी नाराजी व्यक्त केली.

जरांगे म्हणाले की, “तुम्ही गरिबाच्या मराठ्यांवर असे शब्दप्रयोग करता. ५०० कोटी दिले नाहीत म्हणून खोट्या बातम्या पेरता.” तसेच, एकनाथ शिंदे यांच्याकडे जाण्याबद्दल बोलताना, आनंद आणि सुखाचा गाडा सोडून आलेला तो माणूस तुमच्याकडे आला, तरी तुम्ही त्यांच्याबद्दल षडयंत्र करता, असे म्हणत त्यांनी कदमांच्या निष्ठांवर प्रश्नचिन्ह उपस्थित केले.

जरांगे यांनी रामदास कदम यांना “पाय धुऊन प्या या मराठ्याचे” असे आव्हान देत त्यांच्या स्वाभिमानावर बोलण्यास सांगितले. भाजपचे प्रवक्ते नवनाथ बन यांनी आरोपांची सत्यता पडताळण्याची आणि ते एआय-जनरेटेड असण्याची शक्यता वर्तवल्याने, जरांगे यांनी “पळवाट काढू नका, खऱ्यापर्यंत जायला शिका” असे सुनावले.