8 तासांनंतरही लालबागच्या राजाच्या विसर्जनासाठी प्रयत्न कायम! काय आहेत अपडेट

गिरगाव चौपाटीवर लालबागच्या राजाचे विसर्जन सकाळी आठ वाजल्यापासून रखडले आहे. उच्च भरतीमुळे मूर्ती तरफावर चढवण्यात अडचण येत आहे. आठ तासांपासून प्रयत्न सुरू असतानाही, मूर्तीचा पाठ वाळूमध्ये रुतल्यामुळे ती हलवता येत नाही. या वर्षी पहिल्यांदाच वापरला जाणारा नवीन, आधुनिक तरफा देखील या प्रयत्नात वापरला जात आहे. हजारो भाविक चौपाटीवर जमले असून, मुंबई पोलीस आणि आपत्ती व्यवस्थापन यंत्रणा गर्दीचे नियोजन करत आहेत. लालबागच्या राजा सार्वजनिक गणेशोत्सव मंडळाचे सचिव सुधीर साळवी स्थितीवर लक्ष ठेवून आहेत. विसर्जनाची वेळ ओहोटीनंतर ठरवण्याची शक्यता आहे.