Sangli | सांगली जिल्हा परिषदेत महाविकास आघाडीची सत्ता, अध्यक्षपदी पवार गटाची महिला

सांगली जिल्हा परिषदेत महाविकास आघाडीने सत्ता स्थापन करत आपला झेंडा फडकावला आहे. जिल्हा परिषदेच्या अध्यक्ष आणि उपाध्यक्ष पदाच्या निवडणुकीत महाविकास आघाडीचे उमेदवार विजयी ठरले. अध्यक्षपदी राष्ट्रवादी काँग्रेस शरद पवार गटाच्या संगीता पाटील यांची निवड झाली आहे. तर उपाध्यक्षपदी काँग्रेसचे ऋषिकेश लाड विराजमान झाले आहेत. या विजयामुळे सांगली जिल्ह्यात महाविकास आघाडीची ताकद पुन्हा एकदा अधोरेखित झाली आहे. स्थानिक पातळीवर या निकालाला राजकीय दृष्ट्या महत्त्वाचे मानले जात असून, आगामी निवडणुकांसाठीही हे निकाल संकेत देणारे ठरू शकतात.