नागपुरात शिक्षकांचं विविध मागण्यासाठी आंदोलन

नागपूरमध्ये शिक्षकांचे विविध मागण्यांसाठी यशवंत स्टेडियमवर आंदोलन सुरू आहे. शालार्थ आयडी घोटाळ्याच्या आरोपामुळे अनेक शिक्षकांचे वेतन थकवण्यात आले आहे, ज्यामुळे शिक्षक आक्रमक झाले आहेत. मिळालेल्या माहितीनुसार, ६३२ शिक्षकांचे वेतन थांबले असल्याने हे आंदोलन पुकारण्यात आले आहे.

या आंदोलनादरम्यान काही आंदोलनकर्त्यांची प्रकृती खालावल्याचे समोर आले आहे. तसेच, पोलीस आणि आंदोलकांमध्ये झटापट झाल्याचे दृश्यही दिसले. शिक्षक लोटांगण घालत आपला निषेध व्यक्त करत आहेत. पोलिसांनी काही शिक्षकांची धरपकडही केली आहे. थकित वेतन त्वरित मिळावे ही आंदोलकांची मुख्य मागणी आहे.