Navi Mumbai : बेलापूर वॉर्ड ऑफिसच्या पत्त्यावर तब्बल एवढी बोगस मतदारांची नावे; गजानन काळेंचा खळबळजनक दावा

नवी मुंबईत मतदार यादी शुद्धीकरण (SR) प्रक्रियेवरून महाराष्ट्र नवनिर्माण सेनेने (मनसे) गंभीर आरोप केले आहेत. मनसे नेते गजानन काळे यांनी दावा केला आहे की, बेलापूर वॉर्ड ऑफिसच्या पत्त्यावर २७ बोगस मतदारांची नावे घुसविण्यात आली आहेत. ही नावे बनावट असून किंवा या व्यक्ती दुसरीकडे राहत असतानाही त्यांचा पत्ता बेलापूर वॉर्ड ऑफिसचा दर्शवला जात असल्याचे काळे यांनी म्हटले आहे.

राज्यात गेल्या काही महिन्यांपासून मतदार यादी शुद्धीकरणाची प्रक्रिया सुरू असून, देवेंद्र फडणवीस यांनी या प्रक्रियेत अचूकता आणण्यावर भर दिल्याचे सांगितले आहे. मात्र, मनसेने या प्रक्रियेच्या पारदर्शकतेवरच प्रश्नचिन्ह उपस्थित केले आहे. ठाकरे बंधूंनीही यापूर्वीच ही प्रक्रिया राजकीय पक्षांना विश्वासात न घेता केली जात असल्याचा आरोप करत ती रद्द करण्याची मागणी केली होती. काळे यांनी एका उदाहरणाद्वारे बीएलओ (बूथ लेव्हल ऑफिसर) आणि निवडणूक अधिकाऱ्यांच्या कार्यपद्धतीवर प्रश्नचिन्ह निर्माण केले. एका मनसे उमेदवाराचे नाव अगैरहजर म्हणून डिलीट करण्यात आले, परंतु बीएलओने कधीही संपर्क साधला नव्हता. भारतीय जनता पक्ष निवडणूक आयोग आणि एसआर प्रक्रियेचा वापर करून निवडणुका जिंकण्याचा प्रयत्न करत असल्याचा आरोपही मनसेने केला आहे. आगामी काळात याहून अधिक धक्कादायक खुलासे करण्याची चेतावणी मनसेने दिली आहे.