Ajit Pawar NCP : रूपाली पाटलांना ‘तो’ वाद भोवला थेट प्रवक्तेपद गेलं; मिटकरींचा पत्ता कट तर कोणाचं पुनर्वसन?

राष्ट्रवादी काँग्रेसने आपल्या प्रवक्त्यांच्या यादीतून रुपाली पाटील, अमोल मिटकरी आणि वैशाली नागवडे यांची नावे वगळली आहेत, तर सूरज चव्हाण यांचे प्रवक्तेपदी पुनर्वसन केले आहे. रुपाली पाटील यांना महिला आयोगाच्या अध्यक्षा रुपाली चाकणकर यांच्याशी असलेल्या वादामुळे हे पद गमवावे लागल्याची चर्चा राजकीय वर्तुळात आहे. रुपाली पाटलांनी पक्षकार्य सुरू ठेवण्याचा निर्धार व्यक्त केला आहे.

राष्ट्रवादी काँग्रेसमध्ये प्रवक्तेपदावरून मोठी अदलाबदल झाली आहे. रुपाली पाटील, अमोल मिटकरी आणि वैशाली नागवडे यांना प्रवक्तेपदावरून हटवण्यात आले आहे. रुपाली पाटील यांना महिला आयोगाच्या अध्यक्षा रुपाली चाकणकर यांच्याशी असलेल्या वादामुळे हे पद गमवावे लागल्याची चर्चा आहे. या वादावर अजित पवारांनी बैठक बोलावून चर्चा केली होती, तरीही रुपाली पाटील चाकणकर यांच्या राजीनाम्यावर ठाम होत्या. या प्रकरणात त्यांना खुलासा मागितला होता, पण खुलासा येण्यापूर्वीच त्यांना हटवण्यात आले. रुपाली पाटील ठोंबरे यांनी प्रवक्तेपदावरून नाव काढले असले तरी पक्षाचे काम जोमाने करणार असल्याची भूमिका घेतली आहे.