Neral MNS : परप्रांतीय भाडेकरूची दादागिरी, ना भाडं देईना ना घर सोडेना… अखेर मनसेचं खळखट्याक अन् मराठी मालकाला न्याय

नेरळमध्ये परप्रांतीय भाडेकरूकडून घर खाली करण्यास नकार देण्याचा एक धक्कादायक प्रकार समोर आला आहे. रायगड जिल्ह्यातील नेरळ येथील लवालेवाडी परिसरात ही घटना घडली. भाडेकरूने घर खाली करण्यास स्पष्ट नकार दिल्याने सावंत कुटुंबीयांना मोठ्या त्रासाला सामोरे जावे लागले. या प्रकरणात परप्रांतीय व्यक्तीकडून दादागिरी केली जात असल्याचे स्थानिकांचे म्हणणे होते, ज्यामुळे परिसरात तणावाचे वातावरण निर्माण झाले होते. या गंभीर परिस्थितीवर महाराष्ट्र नवनिर्माण सेनेने (मनसे) लक्ष दिले.

मनसेच्या कार्यकर्त्यांनी त्यांच्या खळखट्याक स्टाईलने या प्रकरणात हस्तक्षेप केला. मनसेच्या ठोस भूमिकेमुळे आणि त्यांच्या दबावामुळे अखेर त्या भाडेकरूला घर खाली करावे लागले. मनसेच्या या कारवाईमुळे सावंत कुटुंबीयांना त्यांचे हक्काचे घर परत मिळाले आहे. या घटनेमुळे नेरळ परिसरातील नागरिकांमध्ये चर्चेला उधाण आले असून, स्थानिक संघटनांच्या भूमिकेचे महत्त्व पुन्हा एकदा अधोरेखित झाले आहे.