Pankaja Munde : काम केलं तर काम केलं म्हणा… पंकजा मुंडे यांचा रोख कोणाकडे?

राजकीय वर्तुळात सध्या नेत्यांच्या भाषणांची आणि त्यातील टोलेबाजीची चर्चा सुरू आहे. याच संदर्भात, मंत्री पंकजा मुंडेंनी भाषणादरम्यान आमदार सुरेश धस यांना जाहीरपणे टोला लगावला. “काम केले तर काम केले म्हणा. नाहीतर निवडून आल्यानंतर भाषणात काम केले नाही म्हणा, असे करू नका,” अशा शब्दांत त्यांनी सुरेश धस यांच्यावर निशाणा साधला.

मुंडे यांनी स्वतःच्या राजकीय प्रवासावरही प्रकाश टाकला. “मी पण जेवढ्या निवडणुका लढले, फक्त कमळावर लढलेलीये. फक्त आणि फक्त कमळावर लढलेलीये,” असे म्हणत त्यांनी भारतीय जनता पक्षाशी असलेली आपली निष्ठा अधोरेखित केली. त्या पुढे म्हणाल्या, “मग अशा माणसाच्या मागे उभे राहायचे नाही म्हणजे काय करायचे. बरं कसंय एवढेच माझे म्हणणे आहे, धनुभाऊ, काम केल्यावर पुन्हा काम केले म्हणा. निवडून आले की भाषण करते ते एका मिनिटात, ह्यांनी आमचे काम केले नाही. कृपा करून असे करू नका.”

या भाषणादरम्यान पंकजा मुंडेंनी भारतीय जनता पार्टीविषयी निष्ठा असणाऱ्या सर्व तरुणांना आवाहन केले की, “तुम्ही घड्याळ दाबून आमच्या सतीश भाऊ चव्हाण यांना विजयी करा.” त्यांच्या या आवाहनाने राजकीय निरीक्षकांच्या भुवया उंचावल्या आहेत, कारण घड्याळ हे राष्ट्रवादी काँग्रेस पक्षाचे (NCP) निवडणूक चिन्ह आहे.