Parli Municipal Council : परळीत दादा-शिंदेंच्या गटात एमआयएम, एकनाथ शिंदे म्हणताय कोण MIM? माहित…

परळी नगरपरिषदेच्या गटनेता निवडीमध्ये राजकीय समीकरणे बदलताना दिसत आहेत. अजित पवारांच्या राष्ट्रवादी काँग्रेस आणि मुख्यमंत्री एकनाथ शिंदेंच्या शिवसेनेने एकत्र येत एक गट स्थापन केला आहे. या गटाला एमआयएमच्या एका नगरसेविकेने पाठिंबा दिल्याने राज्यात चर्चेला उधाण आले आहे. राष्ट्रवादी काँग्रेसच्या वैजनाथ सोळंके यांना गटनेतेपदी एमआयएमच्या नगरसेविका आयेशा शेख यांनी पाठिंबा दिला. या गटामध्ये राष्ट्रवादी काँग्रेसचे सोळा, शिंदेच्या शिवसेनेचे दोन, पाच अपक्ष आणि एमआयएमचा एक असे एकूण चोवीस सदस्य आहेत. भाजपने सात सदस्यांचा स्वतंत्र गट तयार केला आहे. ठाकरे गटाचे नेते अंबादास दानवे यांनी या घडामोडींवरून शिंदे गटावर टीका केली आहे. परळीतील ही युती पाहून शिंदे गटाने आपली बंड आणि तत्त्वांच्या गप्पा थांबवाव्यात, असा सवाल दानवे यांनी ट्वीटद्वारे विचारला आहे. दुसरीकडे, शिंदे गटातील नेत्यांनी एमआयएमसोबत कोणतीही युती नसल्याचे आणि केवळ विकासासाठी एकत्र आल्याचे म्हटले आहे.