World Cup 2023 Final सामन्यापूर्वी पंतप्रधान मोदी यांचं ट्वीट… टीम इंडियाला दिल्या स्पेशल शुभेच्छा

अहमदाबाद, १९ नोव्हेंबर २०२३ : गेल्या ४५ दिवसांपासून सुरू असलेला क्रिकेटचा रणसंग्राम हा अंतिम टप्प्यात आलाय आहे. अहमदाबाद येथील नरेंद्र मोदी स्टेडियममध्ये भारत विरूद्ध ऑस्ट्रेलिया असा विश्वचषक २०२३ चा अंतिम सामना रंगणार आहे. तर आज होणाऱ्या सामन्यातील दिमाखदार आणि शानदार लढतीकडे संपूर्ण देशाचं लक्ष लागलं आहे. या थरारक अंतिम सामन्यापूर्वी देशाचे पंतप्रधान नरेंद्र मोदी यांनी ट्वीट केले आहे. या ट्वीटमध्ये नरेंद्र मोदी यांनी टीम इंडियाचे अभिनंदन केले आहे. त्यांनी ट्विटरवर टीम इंडियाला शुभेच्छा देत असे म्हटले की, 140 कोटी भारतीय तुमचा जयजयकार करत आहेत. तुमची कामगिरी शानदार आहे, चांगले खेळा आणि खेळाडूवृत्तीची भावना कायम ठेवा, असे त्यांनी म्हणत आत्मविश्वास वाढवला आहे.