महेश कोठारेंनी स्वतःला मोदी भक्त म्हणताच तात्या विंचूची एंट्री, संजय राऊतांनी साधला निशाणा

ज्येष्ठ अभिनेते महेश कोठारे यांनी नुकतेच स्वतःला भाजप आणि पंतप्रधान नरेंद्र मोदींचा भक्त घोषित केले. त्यांनी मुंबई महानगरपालिकेत भाजपचा महापौर होईल असा विश्वास व्यक्त केला. या वक्तव्यावरून महाराष्ट्राच्या राजकारणात सध्या मोठी चर्चा सुरू आहे. शिवसेनेचे (उद्धव बाळासाहेब ठाकरे गट) नेते संजय राऊत यांनी कोठारे यांच्या या भूमिकेवर तीव्र शब्दांत टीका केली.

राऊत यांनी महेश कोठारेंना उद्देशून तात्या विंचूची उपमा दिली आणि त्यांना मराठी आहेत का? असा सवाल केला. राऊत यांच्या या टीकेनंतर शिंदे गटाच्या शिवसेनेनेही संजय राऊतांवर पलटवार करत त्यांना विदूषक म्हटले. महेश कोठारे यांनी भाजप नेते प्रवीण दरेकर यांच्या दिवाळी पहाट कार्यक्रमात भाजपचे कौतुक केले होते. याआधी त्यांनी अंबरनाथ येथील कार्यक्रमात मुख्यमंत्री एकनाथ शिंदे आणि खासदार श्रीकांत शिंदे यांचेही कौतुक केले होते.