पुणे भाजपला नवे शहराध्यक्ष मिळण्याची शक्यता; ‘ही’ पाच नावं चर्चेत…

पुणे : पुणे शहर भाजपच्या कार्यकारिणीमध्ये बदल होण्याची शक्यता आहे. या महिनाअखेरपर्यंत बदलांची शक्यता आहे. पुण्याला नवीन शहराध्यक्ष मिळणार? की भाजप पुन्हा शहराध्यक्ष जगदीश मुळीक यांनाच संधी देणार हे पाहणं महत्वाचं असेल. पुणे शहर ,जिल्हा कार्यकारिणीची दर तीन वर्षांनी नियुक्ती होते. मुदत संपली असल्यानं या महिना अखेरीस बदल होण्याची शक्यता आहे. शहराध्यक्ष पदासाठी माजी महापौर मुरलीधर मोहोळ, आमदार सिद्धार्थ शिरोळे, गणेश बीडकर, धीरज घाटे आणि माजी आमदार मेधा कुलकर्णी यांची नावं चर्चेत आहेत. त्यामुळे पक्षनेतृत्व कुणाला संधी देणार? हे पाहणं महत्वाचं असेल.