MPSC आंदोलनाच्या यशानंतर राज ठाकरेंचा विवेकानंद पाटलांना फोन; नेमकी चर्चा काय?

मनसे अध्यक्ष राज ठाकरे यांनी एमपीएससी विद्यार्थी आंदोलनाचे प्रमुख विवेकानंद पाटील यांना दूरध्वनी केला. एमपीएससीच्या विद्यार्थ्यांच्या लढ्याला यश मिळाल्याचे सांगत, राज ठाकरेंनी पाटील आणि सर्व विद्यार्थ्यांचे कौतुक केले. आंदोलनाच्या यशामुळे विद्यार्थ्यांचे प्रश्न मार्गी लागण्यास मदत झाल्याचे त्यांनी नमूद केले. राज ठाकरेंनी पाटील यांना मुंबईत शिवतीर्थावर येऊन भेटण्याचे निमंत्रण दिले आहे.

यापूर्वी राज ठाकरे यांनी आंदोलनाच्या ठिकाणी जाऊन विद्यार्थ्यांची भेट घेतली होती आणि त्यांच्या मागण्यांना पाठिंबा दिला होता. मुख्यमंत्री एकनाथ शिंदे यांच्याशी त्यांनी विद्यार्थ्यांच्या प्रश्नांवर चर्चाही केली होती, जेणेकरून यावर लवकरात लवकर तोडगा काढता येईल. विवेकानंद पाटील यांनी या भेटीमुळे महाराष्ट्रातील मराठी भाषा, मराठी माणूस, तरुण आणि विद्यार्थी यांच्या समस्यांवर चर्चा करण्याची अपेक्षा व्यक्त केली आहे.